ଜୁନାଗଡ,୧୬/୦୮/୨୦୨୫ (ଓଡ଼ିଶା ସମାଚାର /ରାକେଶ ବେମାଲ)- ଜୁନାଗଡ଼ ଥାନା ଅନ୍ତର୍ଗତ ତଳଜାରିଙ୍ଗ ପଞ୍ଚାୟତର ଚେରମହୁଲ ଗ୍ରାମରେ ଆଜି (ଶନିବାର) ଏକ ଅଭାବନୀୟ ଘଟଣା ଘଟିଥିବା ସାମ୍ନାକୁ ଆସିଛି। କୌଣସି କଥାକୁ ନେଇ କଥା କଟାକଟି ରୁ ହତ୍ୟାକାଣ୍ଡ ଘଟିଛି।
ଚେରମହୁଲ ଗାଁ ର ରତ୍ନାକର ମାଝୀ ସେହି ଗାଁ ର ରଥ କନ୍ଦପାନ କୁ ଟାଙ୍ଗିଆ ରେ ହାଣି ମୁଣ୍ଡଗଣ୍ଡି ଅଲଗା କରି ଦେଇଥିବା ସୂଚନା । କେଉଁ କାରଣ ରୁ ହତ୍ୟାକାଣ୍ଡ ଘଟିଛି , ତାହା ଅସ୍ପଷ୍ଟ ଥିବା ବେଳେ ଜୁନାଗଡ଼ ପୋଲିସ ଘଟଣା ସ୍ଥଳ କୁ ଯାଇ ଅଭିଯୁକ୍ତ ରତ୍ନାକର ମାଝୀ କୁ ଅଟକ ରଖିବା ସହିତ ସାଇଂଟିଫିକ୍ ଟିମ୍ ସହାୟତାରେ ଅଧିକ ତଦନ୍ତ କରୁଛି ।
ଦୁଇଟି ଟାଙ୍ଗିଆ ଜବତ ହୋଇଛି । ଏ ସମ୍ପର୍କରେ ଜୁନାଗଡ଼ ଥାନାରେ ୫୫୨/୨୫ ରେ ଏକ ମାମଲା ରୁଜୁ କରାଯାଇଛି ।
