ପର୍ଯ୍ୟଟକ ବସ୍ ଦୁର୍ଘଟଣାଗ୍ରସ୍ତ , ୨୫ ପର୍ଯ୍ୟଟକ ଆହତ

ଦାରିଙ୍ଗବାଡ଼ି, ୨୭/୧୨/୨୦୨୩ (ଓଡ଼ିଶା ସମାଚାର/ଦୀପ୍ତିରଂଜନ କାନୁନଗୋ)- ପଶ୍ଚିମବଙ୍ଗରୁ ଦାରିଙ୍ଗବାଡ଼ି ବୁଲିବା ପାଇଁ ଆସିଥିବା ପର୍ଯ୍ୟଟକ ବସ୍ ଦୁର୍ଘଟଣାଗ୍ରସ୍ତ ହୋଇଛି । ଫଳରେ ବସ୍ ରେ ଥିବା ୨୫ ଜଣ ପର୍ଯ୍ୟଟକ ଆହତ ହୋଇଥିବା ବେଳେ ୨ ଜଣ ଗୁରୁତର ଆହତ ହୋଇଛନ୍ତି ।
ସୂଚନାଯୋଗ୍ୟ ଏକ ପର୍ୟ୍ୟଟକ ବସରେ ପ୍ରାୟ ୩୦ ଜଣ ଛୋଟ ବଡ଼ ଲୋକମାନେ ପଶ୍ଚିମବଙ୍ଗରୁ ଦାରିଙ୍ଗବାଡ଼ି ବୁଲିବା ପାଇଁ ଯାଇଥିଲେ। ତପ୍ତପାଣି ଦେଇ ଫେରିବା ବେଳେ ଦାରିଙ୍ଗବାଡ଼ି-ବ୍ରାହ୍ମଣୀଗାଁ ରାସ୍ତା ମହାଗୁଡ଼ି ନିକଟ ଏକ ପୋଲ ଠାରେ ଭାରସାମ୍ୟ ହରାଇ ପୋଲ ର ୨୦ ଫୁଟ୍ ତଳକୁ ଖସି ପଡ଼ିଥିଲା। ଗୁରୁତର ଦୁଇ ଜଣଙ୍କୁ ଏମକେସିଜି ବ୍ରହ୍ମପୁର ବଡ଼ ମେଡ଼ିକାଲକୁ ସ୍ଥାନାନ୍ତରିତ କରଯାଇଥିଲା ବେଳେ ଆହତଙ୍କୁ ବ୍ରାହ୍ମଣୀଗାଁ ମେଡ଼ିକାଲରେ ଚିକିତ୍ସା ଚାଲୁରହିଛି। ଭାରସାମ୍ୟର କାରଣ ଜଣାପଡ଼ି ନଥିବା ବେଳେ ପୋଲିସ ଦୁର୍ଘଟଣା ସ୍ଥଳରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି।