କନ୍ଦରପୁର କଲେଜର ବାର୍ଷିକ ଉତ୍ସବ ମହାସମାରୋହରେ ପାଳିତ 

କଟକ ସଦର, ୧୩/୧୨/୨୦୨୪ (ଓଡ଼ିଶା ସମାଚାର /ଵିଷ୍ଣୁ ବେହେରା): କଟକ ସଦର ଅନ୍ତର୍ଗତ କନ୍ଦରପୁର କଲେଜରେ ଆଜି (ଶୁକ୍ରବାର ଦିନ) ବାର୍ଷିକ ଉତ୍ସବ ମହାସମାରୋହରେ ପାଳିତ ସୋଇଯାଇଛି। ଏହି ଉପଲକ୍ଷେ ଅଧ୍ୟକ୍ଷା ପ୍ରଣତି ପଟ୍ଟନାୟକଙ୍କ ଅଧ୍ୟକ୍ଷତାରେ ଆୟୋଜିତ ସଭାରେ କଟକ ସଦର ବିଧାୟକ ଇଂ ପ୍ରକାଶ ଚନ୍ଦ୍ର ସେଠୀ ମୂଖ୍ୟ ଅତିଥି ଓ ମୂଖ୍ୟ ବକ୍ତା ଭାବେ ଦିଗପହଣ୍ଡି ବିଧାୟକ ତଥା ବିଶିଷ୍ଟ ସିନେ ତାରକା ସିଦ୍ଧାନ୍ତ ମହାପାତ୍ର ଯୋଗ ଦେଇ ଶିକ୍ଷା, ଶିକ୍ଷକ ଓ ଶିକ୍ଷାୟତନ ଉପରେ ଆଲୋକପାତ କରିଥିଲେ। କାର୍ଯ୍ୟକ୍ରମ ସଂଯୋଜନାରେ ଅଧ୍ୟାପକ ପ୍ରଦୀପ୍ତ କୁମାର ବିଶ୍ବାଳ ଓ‌ ଅଧ୍ୟାପିକା ରେଖା ନାୟକ ସହାୟତା କରିଥିବା ବେଳେ ଅତିଥି ମାନଙ୍କ ପରିଚୟ ଡ଼ଃ ନମିତା ପଟ୍ଟନାୟକ ଓ ଡ଼ଃ ସ୍ମିତା ମହାନ୍ତି ସ୍ୱ।ଗତ ଅଭିଭାଷଣ ରଖିଥିଲେ। ଶେଷରେ ଅଧ୍ୟାପିକା ଦିପାଳୀ ରାଉତ ଧନ୍ୟବାଦ ଅର୍ପଣ କରିଥିଲେ। ଏଥିରେ କୃତି ପ୍ରତିଯୋଗୀଙ୍କୁ ମାନପତ୍ର ଓ ଟ୍ରଫି ପ୍ରଦାନ କରାଯାଇଥିବା ବେଳେ ୧୯୮୯ ରେ ଏକ ଦୂର୍ଘଟଣାରେ ଅକାଳ ମୃତ୍ୟୁ ବରଣ କରିଥିବା ଦୁଇ ଛାତ୍ର ଦେବୀ ପ୍ରସାଦ ଭୁୟାଁ ଓ ଦୂର୍ୟୋଧନ ରାଉତଙ୍କ ସ୍ମୃତିରେ ଦୁଇ ଜଣ ସଫଳ କ୍ରିଡ଼ା ଛାତ୍ର ଙ୍କୁ ଟ୍ରଫି ପ୍ରଦାନ କରାଯାଇଥିଲା। କାର୍ଯ୍ୟକ୍ରମ ପରିଚାଳନାରେ ଏସ୍ ଚକ୍ରବର୍ତ୍ତୀ, ଜିତେନ୍ଦ୍ର ସାହୁ, ବୈଦ୍ୟନାଥ ପଣ୍ଡା, ସଂଗ୍ରାମ ବେହେରା ପ୍ରମୁଖ ସହଯୋଗ ଯୋଗାଇଥିଲେ।