ବାଲେଶ୍ୱର,୮/୮/୨୦୨୪ (ଓଡ଼ିଶା ସମାଚାର)- ସହଦେଖୁଣ୍ଟା ଥାନା ଅନ୍ତର୍ଗତ ବାଲିଆ ନିକଟରେ ଜଣେ ଯୁବକଙ୍କ ଉପରକୁ ୨ ରାଉଣ୍ଡ ଗୁଳିମାଡ଼ ହୋଇଥିବାରୁ ଯୁବକ ଜଣକ ଆହତ ହୋଇଛନ୍ତି । ଆହତ ଯୁବକଙ୍କୁ ଜିଲ। ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ଗୁଳି ମାଡ଼ରେ ଗୁରୁତର ଆହତ ଯୁବକ ହେଲେ ସହଦେବଖୁଣ୍ଟା ଟାଇଲିବସା ଅଞ୍ଚଳର ବାବୁଲା ବିନ୍ଧାଣୀଙ୍କ ପୁଅ ମନୋରଞ୍ଜନ ବିନ୍ଧାଣି(୩୪) । ମନୋରଞ୍ଜନ ବାଲିଆସ୍ଥିତ ହିନ୍ଦ୍ ଜିମ୍ ରୁ ବାହାରି ବାଇକ୍ ରେ ଯାଉଥିବା ବେଳେ ଦୁଇ ଜଣ ଯୁବକ ବାଇକ୍ ରେ ଆସି ତାଙ୍କ ଉପରକୁ ଅଚାନକ ୨ ରାଉଣ୍ଡ ଗୁଳିମାଡ଼ କରି ଫେରାର ହୋଇଯାଇଥିଲେ। ଗୋଟିଏ ଗୁଳି ତାଙ୍କ ମୁହଁରେ ବାଜି ପଳାଇଥିବା ଦେଖିବାକୁ ମିଳିଛି। ତେବେ ପୂର୍ବ ଶତ୍ରୁତାକୁ କେନ୍ଦ୍ର କରି ମନୋରଞ୍ଜନଙ୍କ ଉପରେ ଗୁଳିମାଡ଼ କରାଯାଇଥିବା କୁହାଯାଇଛି। ସେ ଅଳ୍ପକେ ବର୍ତ୍ତିଯାଇଥିବା ଜଣାପଡ଼ିଛି। ଘଟଣାସ୍ଥଳରେ ପୋଲିସ ପହଞ୍ଚି ତନାଘନା ଆରମ୍ଭ କରିଛି।
ପୂର୍ବ ଶତ୍ରୁତାରୁ ଗୁଳିମାଡ଼ରେ ଯୁବକ ଗୁରୁତର ଆହତ
