ପିକନିକ ବସକୁ ଧକ୍କା ଦେଲା ଟ୍ରକ, ୩ ଛାତ୍ରେୀ ଙ୍କର ମୃତ୍ୟୁ

ଦଶପଲ୍ଲା ୨୭/୦୧/୨୦୨୪ (ଓଡ଼ିଶା ସମାଚାର)- ପିକନିକ ବସକୁ ଧକ୍କା ଦେଲା ଟ୍ରକ । ୩ ଜଣଙ୍କର ମୃତ୍ୟୁ ହୋଇଛି। ନୟାଗଡ ଜିଲ୍ଲା ଦଶପଲ୍ଲା ଏନ୍ଏସି ଅନ୍ତର୍ଗତ ଵାରପୁରିକିଆ ଠାରେ ଥିବା ଏକ ଘରୋଇ ଶିକ୍ଷାନୁଷ୍ଠାନ “ଦେଵୀସ୍ ଟ୍ୟାଲେଣ୍ଟ ଟ୍ୟୁଟୋରିଆଲ” ନାମକ ଏକ ଅନୁଷ୍ଠାନ ତାର ଅନ୍ତେବାସୀମାନଙ୍କୁ ନେଇ ହରିଶଙ୍କର ଅଭିମୁଖେ ପିକନିକ ପାଇଁ ଯାଉଥିବା ଵେଳେ ସାମନା ପଟୁ ଆସୁଥିବା ଏକ ଚାଉଳ ବୋଝେଇ ଟ୍ରକ୍ ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ ୨ଜଣ ଏଵଂ ପରେ ଚିକିତ୍ସାଧୀନ ଅବସ୍ଥାରେ ଜଣଙ୍କର ମୃତ୍ୟୁ ହୋଇଇଛି। ମୃତକ ୩ ଜଣ ଛାତ୍ରୀ । ବିଳମ୍ବିତ ରାତ୍ରିରେ ଘଟିଥିବା ଏହି ଘଟଣା ଦଶପଲ୍ଲା ଅଞ୍ଚଳରେ ଏକ ଶୋକାକୁଳ ପରିବେଶ ସୃଷ୍ଟି କରିଛି। ମୃତକ ମାନେ ହେଲେ ଅମ୍ରିତା ସାହୁ, ଚିନ୍ମୟୀ ପ୍ରିୟଦର୍ଶିନୀ ଓ ଲୋପାମୁଦ୍ରା ପ୍ରଧାନ ଜ୍ଝ ଘଟଣା ସଂପର୍କରେ ଖବର ପାଇ ବିଧାୟକ ରମେଶ ବେହେରା, ନୟାଗଡ଼ ଏସ୍ ପି ରାହୁଲ ଜୈନ୍, ଏସଡିପିଓ ସ୍ନେହାଶିଷ ସାହୁ, ଦଶପଲ୍ଲା ଆଇଆଇସି ମୁକେଶ ଵେହେରା, ନୂଆଗାଁ ଆଇଆଇସି ପ୍ରମୁଖ ଉପସ୍ଥିତ ରହି ଜିଲ୍ଲାପାଳଙ୍କ ଅନୁମୋଦନ କ୍ରମେ ଶବ ବ୍ୟବଚ୍ଛେଦ କରାଇ ପରିବାରକୁ ହସ୍ତାନ୍ତର କରାଯାଇଛି । ପୁଲିସ ଉଭୟ ଗାଡିକୁ ଜବତ୍ କରି ତଦନ୍ତ ଜାରି ରଖିଛି।