କେନ୍ଦ୍ରାପଡ଼ା, ୧୪/୦୩/୨୦୨୬ (ଓଡ଼ିଶା ସମାଚାର)- କେନ୍ଦ୍ରାପଡା ଜିଲା ବରିଷ୍ଠ ନାଗରିକ ମଂଚର ସପ୍ତମ ବାର୍ଷିକ ଉତ୍ସବ ପାଇଁ ଶେଷ ପ୍ରସ୍ତୁତି ବୈଠକ ସଭାପତି ଅକ୍ଷୟ କୁମାର ମହାନ୍ତିଙ୍କ ସଭାପତିତ୍ୱରେ ଖଡିଅଙ୍ଗସ୍ଥିତ କାର୍ଯ୍ୟାଳୟରେ ଅନୁଷ୍ଠିତ ହୋଇଯାଇଛି । ଏହି ବୈଠକରେ ମଂଚର ସମସ୍ତ କାର୍ଯ୍ୟକର୍ତା, ଉପଦେଷ୍ଟା ମଣ୍ଡଳୀ ସଦସ୍ୟ ଓ ପ୍ରସ୍ତୁତି କମିଟିର ସମସ୍ତ ସଦସ୍ୟ ଉପସ୍ଥିତ ଥିଲେ । ସାଧାରଣ ସମ୍ପାଦକ ନରୋତମ ଜେନା ପୂର୍ବ ବୈଠକର ବିବରଣୀ ପାଠ କରିବା ସହ ଆଗାମୀ ବାର୍ଷିକ ଉତ୍ସବର ପୂର୍ଣ୍ଣ ସଫଳତା କାମନା କରିଥିଲେ । ଏହି ବୈଠକରେ ଉତ୍ସବ ଉପଲକ୍ଷେ ଗଠନ କରାଯାଇଥିବା ବିଭିନ୍ନ କମିଟିର ସଦସ୍ୟମାନେ ସେମାନଙ୍କ କାର୍ଯ୍ୟଧାରା ଓ ଅଗ୍ରଗତିର ସବିଶେଷ ବିବରଣୀ ପ୍ରଦାନ କରିଥିଲେ ।
ଉପଦେଷ୍ଟା ଡା.ବିଶ୍ୱପ୍ରକାଶ କାନୁନଗୋ, କାର୍ଯ୍ୟକାରୀ ସଭାପତି ଫକୀର ଚରଣ ଖଟୁଆ, ଉପସଭାପତି ସୟଦ ଅକମଲ ଅଲ୍ଲୀ, ପ୍ରହଲ୍ଲାଦ ମଲ୍ଲ, ଯୁଗ୍ମସମ୍ପାଦକ ଅକ୍ଷୟ କୁମାର ନାୟକ ପ୍ରମୁଖ ପ୍ରସ୍ତୁତି ସମ୍ପର୍କରେ ସମୀକ୍ଷା କରି ଉପଯୁକ୍ତ ମାର୍ଗଦର୍ଶନ ଦେବା ସହ ଉତ୍ସବରେ ଅଧିକ ସଂଖ୍ୟାରେ ସଦସ୍ୟ ଓ ସଦସ୍ୟାଙ୍କ ଉପସ୍ଥିତି ନିମନ୍ତେ ଗୁରୁତ୍ୱାରୋପ କରିଥିଲେ । ଚଳିତମାସ ୧୮ତାରିଖ ବୁଧବାର ସକାଳ ୧୦ଟା ସୁଦ୍ଧା ମାଧପୁରସ୍ଥିତ ଅମରଉଦ୍ୟାନରେ ସମସ୍ତେ ପହଂଚିବା ପାଇଁ ନିବେଦନ କରାଯାଇଥିଲା । ଅନ୍ୟମାନଙ୍କ ମଧ୍ୟରେ ଅର୍ଥ ସମ୍ପାଦକ ରବିନ୍ଦ୍ରନାଥ ବାରିକ, ଅଦୈତ କୁମାର ଦାସ, ନୁରୁଲ ଅମିନ୍, ନିତ୍ୟାନନ୍ଦ ସୁଆର, ପରମାନନ୍ଦ ସେଠୀ, ଗଗନବିହାରୀ ସ୍ୱାଇଁ, ବିଷ୍ଣୁ ଚରଣ ପତି, ଗଗନବିହାରୀ ମନ୍ତ୍ରୀ, ଶୈଳେନ୍ଦ୍ରନାଥ ମହାନ୍ତି, ବସନ୍ତ କୁମାର ଓଝା, ଧିରେନ କୁମାର ଦାଶ, କିଶୋର ଚନ୍ଦ୍ର ପରିଡା, ପ୍ରଦୁ୍ୟମ୍ନ ବେହେରା, ଘନଶ୍ୟାମ ପଣ୍ଡା, କୃଷ୍ଣ ଚନ୍ଦ୍ର ସାହୁ, ପ୍ରସନ୍ନ କୁମାର ବେହେରା, ବିଜୟ କୁମାର ସ୍ୱାଇଁ, ରାଜେନ୍ଦ୍ର କୁମାର ସ୍ୱାଇଁ ପ୍ରମୁଖ ଉପସ୍ଥିତ ରହି ଆଲୋଚନାରେ ଅଂଶଗ୍ରହଣ କରିଥିଲେ ।
ପ୍ରତ୍ୟେକ ପ୍ରତିନିଧି ସଦସ୍ୟ,ସଦସ୍ୟାମାନେ ପୂର୍ବରୁ ପାଇଥିବା ପରିଚୟପତ୍ର ସାଙ୍ଗରେ ଆଣିବାକୁ ପରାମର୍ଶ ଦିଆଯାଇଥିଲା ।ଉତ୍ସବ ସମ୍ପର୍କରେ ଅଧିକ ଜାଣିବା ପାଇଁ ସମ୍ପାଦକଙ୍କ ମୋବାଇଲ ନମ୍ବର-୯୩୩୭୧୩୬୪୬୦ଯୋଗାଯୋଗ କରିବାକୁ ପରାମର୍ଶ ଦିଆଯାଇଛି ।
