କେନ୍ଦ୍ରାପଡ଼ା,୨୨/୦୨/୨୦୨୬ (ଓଡ଼ିଶା ସମାଚାର)- ଜିଲଳ ପ୍ରତିଭା ପୂଜା ସଂସଦ ପକ୍ଷରୁ ପବ୍ଲିକ ରିଡିଂରୁମ ପରିସରରେ ପୂର୍ବତନ କେନ୍ଦ୍ରମନ୍ତ୍ରୀ ସ୍ୱର୍ଗତ କାହ୍ନୁ ଚରଣ ଲେଙ୍କାଙ୍କ ସ୍ମୃତିସଭା ଅନୁଷ୍ଠିତ ହୋଇଯାଇଛି । ସଂସଦର ସଭାପତି ପ୍ରଦିପ କୁମାର ମହାନ୍ତିଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସଭାରେ ପୂର୍ବତନ ବିଧାୟକ ଚିନ୍ମୟ ପ୍ରସାଦ ବେହୁରା, ପୂର୍ବତନ ଜିଲା ଓକିଲ ସଂଘ ସଭାପତି ଭୀମସେନ ଭୂୟାଁ, ଜିଲା ଓକିଲ ସଂଘ ସମ୍ପାଦକ ନୃସିଂହ ରାଉତ, କଂଗ୍ରେସ ନେତା ପ୍ରଫୁଲ୍ଲ ଦାସ ଓ ପୂର୍ବତନ ନଗରପାଳ ଧିରେନ ସାହୁ ପ୍ରମୁଖ ଯୋଗଦେଇ ପୂର୍ବତନ କେନ୍ଦ୍ରମନ୍ତ୍ରୀ ସ୍ୱର୍ଗତ ଲେଙ୍କାଙ୍କ ସ୍ମୃତିଚାରଣ କରିବା ସହ ଶ୍ରଦ୍ଧାସୁମନ ଅର୍ପଣ କରିଥିଲେ ।
ସଂଯୋଜକ ଗୋଲଖ ଚନ୍ଦ୍ର ପଢିଆରୀ ସ୍ୱାଗତ ଭାଷଣ ପ୍ରଦାନ କରିଥିବା ବେଳେ ଶୈଳବାଳା ସାମଲ ଧନ୍ୟବାଦ ଅର୍ପଣ କରିଥିଲେ । ଅନ୍ୟମାନଙ୍କ ମଧ୍ୟରେ ଡ. ଚୈତନ୍ୟ ଚରଣ ପରିଡା, ଫକୀର ଚରଣ ଖଟୁଆ, ସନ୍ତୋଷ ବେହେରା, ଭାଗିରଥୀ ଜେନା, ଶରତ ବେହୁରା, ଆଦିକନ୍ଦ ରାଉଳ, ଶେଷଦେବ ଦାସ, ଜାକିର ହୋସେନ, ରିଙ୍କୁ ଲେଙ୍କା ପ୍ରମୁଖ ଯୋଗଦେଇ ସ୍ୱର୍ଗତ ଲେଙ୍କାଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ ।
