ଗରଦପୁର, ୧୯/୧୧/୨୦୨୩ (ଓଡ଼ିଶା ସମାଚାର)-ଗରଦପୁର ବ୍ଲକ୍ ଅନ୍ତର୍ଗତ ତେଣ୍ଡାକୁଡ଼ା ପଂଚାୟତ ସାନ ନୟନପୁର ଠାରେ କିଛି ଦୁର୍ବୃତ ରାତିରେ ସୁକପାଇକା ର ପାଣିକୁ ପାଇକା ମଧ୍ୟକୁ ଗେଟ୍ ଖୋଲି ରାତି ସାରା ମାଛ ଧରୁଛନ୍ତି । ଫଳରେ ସୁକପାଇକା ର ପାଣି ଏବେ ଶୁଖି ଗଲାଣି ।
ସୁକପାଇକା ରେ ଅଧିକ ଦିନ ପାଣି ରହିଲେ ସ୍ଥାନୀୟ ଅଂଚଳର ନଳକୂପ ରୁ ଠିକ୍ ଭାବେ ପାଣି ବାହାରିବ, ନେହେଲେ ଖରାଦିନେ ଅଂଚଳର ନଳକୂପରୁ ପାଣି ବାହାରିବ ନାହିଁ ଏବଂ ଶୁଦ୍ଧି କ୍ରିୟା ଆଦି କରିବା ପାଇଁ ପାଣିର ଅଭାବ ଦେଖାଦେବ । ତେଣୁ ସୁକ ପାଇକା ରେ ଅଧିକ ଦିନ ପାଣି ରହିବା ଅଂଚଳର ଜନ ସାଧାରଣ ଚାହାନ୍ତି ।
ହେଲେ ଦିନ ସାରା ବନ୍ଦ ଥିବା ଗେଟ କୁ ରାତି ସାରା ଦୁର୍ବୃତମାନେ ଖୋଲି ମାଛ ଧରିବା ପାଇଁ ସୁକ ପାଇକା ର ପାଣିକୁ ପାଇକା ନଦୀକୁ ପ୍ରବାହିତ କରିଦେଉଛନ୍ତି , ପୁଣି ସକାଳ ହେଲେ ଗେଟ୍ ବନ୍ଦ କରିଦେଉଛନ୍ତି । କେତେଜଣ ଦୁର୍ବୃତ ରାତି ସାରା ମାଛ ମାରି ମାଛ ବିକ୍ରି କରି ମାଲାମାଲ ହେଉଥିବାବେଳେ ଅଂଚଳବାସୀ ଆଗକୁ ଜଳ ସଙ୍କଟର ସମ୍ମୁଖୀନ ହେବା ଆଶଙ୍କା ପ୍ରକାଶ ପାଇଛି । ତୁରନ୍ତ ଜଳ ସମ୍ପଦ ବିଭାଗ ଏଭଳି କାର୍ୟ୍ୟକୁ ବନ୍ଦ କରିବା ସହିତ ପୋଲିସ କୁ ଜଣାଇବାକୁ ଅଂଚଳବାସୀଙ୍କ ପକ୍ଷରୁ ଦାବି ହେଉଛି ।