ସାଲେପୁର,୦୪/୦୮/୨୦୨୫ ( ଓଡିଶା ସମାଚାର/ଅଭୟ ଜେନା)- ସାଲେପୁର ଅଞ୍ଚଳରେ ଆଜି ସକାଳୁ ସକାଳୁ ଏକ ଅଘଟଣ ଘଟିଯାଇଛି। ଆଜି ଶ୍ରାବଣ ମାସର ଶେଷ ସୋମବାର ହୋଇଥିବାରୁ ମହାଦେବଙ୍କୁ ଜଳାଭିଷେକ କରିବା ପାଇଁ ଆଜି ସକାଳୁ  ସାଲେପୁର ଥାନା ଅନ୍ତର୍ଗତ କାସିପୁର ଗ୍ରାମର ରବୀନ୍ଦ୍ର କରଙ୍କ ପୁଅ ଅବୃତ୍ତ କୁମାର କର(୨୫) ବଟେଶ୍ବର ଗ୍ରାମ ନିକଟରେ ଚିତ୍ରୋତ୍ପଳା ନଦୀରୁ ପାଣି ଉଠାଇବା  ବେଳେ ନଦୀ ସ୍ରୋତ ରେ ଭାସି ଯାଇ ନିଖୋଜ ହୋଇଯାଇଛନ୍ତି। ସ୍ଥାନୀୟ ଲୋକେ ଓ ସାଲେପୁର ଦମକଳ ବାହୀନିର କର୍ମଚାରୀ ମାନେ ଦୀର୍ଘ ସମୟ ଧରି ନଦୀ ପାଣି ରେ ଖୋଜାଖୋଜି ଚଳାଇଥିଲେ ହେଁ ଅଦ୍ୟାବଧି ଅବୃତ୍ତ କୁମାର ର କୌଣସି ସନ୍ଧାନ ପାଇ ନଥିବା ଜଣାପଡିଛି।