କିଶନନଗର ତହସିଲରେ ଵାୟୋମେଟ୍ରିକ୍ ଉପସ୍ଥାନ ଵ୍ୟଵ୍ୟସ୍ଥା ଲାଗୁ ହେଲା

କଟକ ସଦର, ୦୮/୦୭/୨୦୨୫ (ଓଡ଼ିଶା ସମାଚାର /ବିଷ୍ଣୁ ବେହେରା): କିଶନନଗର ତହସିଲ କୁ କର୍ମଚାରୀ ମାନେ ନିର୍ଦ୍ଧିଷ୍ଟ ସରକାରୀ ସମୟରେ ଉପସ୍ଥାନ ଓ ପ୍ରସ୍ଥାନ କରୁନଥିବା କୁ ନେଇ ଜନସାଧାରଣ ସବୁ ସମୟରେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଥିବା ଅଭିଯୋଗ ହୋଇଆସୁଥିଲା। ଏହାର ନିରାକରଣ ନିମିତ୍ତ ଆବଶ୍ୟକତା ଦୃଷ୍ଟିରୁ କାର୍ଯ୍ୟାଳୟରେ ଆଙ୍ଗୁଳି ଛାପ ଵାୟୋମେଟ୍ରିକ୍ ମେସିନ୍ ଵ୍ୟଵ୍ୟସ୍ଥା କରିବାକୁ ଗତ ଜୁନ୍ ୫ ତାରିଖ ରେ  ‘ଓଡିଶା ସମାଚାର’ ରେ (https://eodishasamachar.com/?p=48747 ) ବିସ୍ତୃତ ଖଵର ପ୍ରକାଶ ପାଇଥିଲା। ଏହି ପରିପ୍ରେକ୍ଷୀରେ ତହସିଲ ପ୍ରଶାସନ ପକ୍ଷରୁ ତହସିଲ କାର୍ଯ୍ୟାଳୟରେ ଵାୟୋମେଟ୍ରିକ ଵ୍ୟଵ୍ୟସ୍ଥା ଲାଗୁ କରାଯାଇ ଆଜି ମଙ୍ଗଳବାର ଠାରୁ ତାହା କାର୍ଯ୍ୟକାରୀ କରାଯାଇଥିବା ଜଣାପଡିଛି। ଏଥିପାଇଁ ସାଧାରଣରେ ସନ୍ତୋଷ ପ୍ରକାଶ ପାଇଛି।