କମ୍ପୁ୍ୟଟର ବିଜ୍ଞାନ ବିଭାଗର ଛାତ୍ରମିଳନ

କେନ୍ଦ୍ରାପଡ଼ା,୦୭/୦୧/୨୦୨୪ (ଓଡ଼ିଶା ସମାଚାର)- କେନ୍ଦ୍ରାପଡ଼ା ସ୍ୱୟଂଶାସିତ ମହାବିଦ୍ୟାଳୟରେ କମ୍ପ୍ୟୁଟର୍ ବିଜ୍ଞାନ ବିଭାଗର ପୁରାତନ ଛାତ୍ରଛାତ୍ରୀ ମାନଙ୍କର ଛାତ୍ରମିଳନ ଅନୁଷ୍ଠିତ ହୋଇଯାଇଛି । ଏହି ଉପଲକ୍ଷେ ଅନୁଷ୍ଠିତ ସଭାରେ ମୁଖ୍ୟ ଅତିଥି ଭାବେ ମହାବିଦ୍ୟାଳୟର ଅଧ୍ୟକ୍ଷ ପ୍ରଫେସର ଅଶୋକ କୁମାର ଦାସ ଯୋଗଦେଇଥିଲେ । ବିଭାଗୀୟ ମୁଖ୍ୟ ଡଃ. ଆନନ୍ଦ ଚନ୍ଦ୍ର ନାୟକ ସଭାପତିତ୍ୱ କରିଥିଲା ବେଳେ ବିଭାଗର ଅଧ୍ୟାପକ ସୁବ୍ରତ ପାତ୍ର, ସୌମ୍ୟାରାଣୀ ମହାରଣା, ରଞ୍ଜିତ କୁମାର ପରିଡ଼ା ପ୍ରମୁଖ ଉପସ୍ଥିତ ଥିଲେ । ବିଭାଗୀୟ ମୁଖ୍ୟ ପୁରାତନ ଛାତ୍ରଛାତ୍ରୀ ମାନଙ୍କୁ ସ୍ୱାଗତ ଅଭିଭାଷଣ ପ୍ରଦାନ କରିବା ସହ ବିଭାଗର ଛାତ୍ରଛାତ୍ରୀ ମାନଙ୍କର ସଫଳତା ଏବଂ ବିଭାଗର ଉନ୍ନତି ଉପରେ ଆଲୋକପାତ କରିଥିଲେ । ଅଧ୍ୟକ୍ଷ  ମହାବିଦ୍ୟାଳୟ ଏବଂ ବିଭାଗର ସଫଳତା ପଛରେ ଆଲୁମିନି ମାନଙ୍କର ଭୂମିକା ଓ ଦାୟିତ୍ୱ ସମ୍ପର୍କରେ ବୁଝାଇଥିଲେ । ପୁରାତନ ଛାତ୍ରଛାତ୍ରୀ ମାନେ ସେମାନଙ୍କର ସ୍ମୃତି ଚାରଣ କରିବା ସହିତ ଅଭିଜ୍ଞତା ବାଂଟିଥିଲେ । ବର୍ତମାନର ଛାତ୍ରଛାତ୍ରୀମାନେ ମନୋରଞ୍ଜନ କାର୍ଯ୍ୟକ୍ରମର ଆୟୋଜନ କରିବା ସହ  ସଭାର ସୁପରିଚାଳନା କରିଥିଲେ ।