କଟକ ଜିଲ୍ଲା ସାମ୍ବାଦିକ ସଂଘ ର କାର୍ଯ୍ୟକାରିଣୀ ବୈଠକ

ନିଶ୍ଚିନ୍ତକୋଇଲି ୨୦/୧୨/୨୦୨୪ (ଓଡିଶା ସମାଚାର /ଅଭୟ ଜେନା )-ରାଜ୍ୟ ସାମ୍ବାଦିକ ସଂଘ ଏସୟୁଜେ ଓଡ଼ିଶା ଅନୁବନ୍ଧିତ କଟକ ଜିଲ୍ଲା ସାମ୍ବାଦିକ ସଂଘ ର କାର୍ଯ୍ୟକାରିଣୀ ବୈଠକ ଜିଲ୍ଲା ସଭାପତି ରମେଶ ଚନ୍ଦ୍ର ପ୍ରଧାନ ଙ୍କ ଅଧ୍ୟକ୍ଷତାରେ ନିଶ୍ଚିନ୍ତକୋଇଲି ବ୍ଳକର କଳମିଶ୍ରି ପଞ୍ଚାୟତ ଅନ୍ତର୍ଗତ ଦାମୋଦରପୁର ସ୍ଥିତ ପଞ୍ଚାୟତ କଳା ପରିଷଦ ସଭାଗୃହରେ ଅନୁଷ୍ଠିତ ହୋଇଯାଇଛି ।ଆସନ୍ତା ଜାନୁଆରୀ ମାସ ୧୯ ତାରିଖ ରେ ବାଙ୍କି ଠାରେ ସଂଘ ର ବାର୍ଷିକ ଉତ୍ସବ ଅନୁଷ୍ଠିତ ହେବାପାଇଁ ବୈଠକ ରେ ସ୍ଥିରୀକୃତ ହୋଇଥିଲା । ଏଥିରେ ସଂଘର ଏକ ମୂଖପତ୍ର ପ୍ରକାଶପାଇବାକୁ  ପ୍ରସ୍ତାବ ଗ୍ରହଣ କରାଯାଇଥିଲା ।  ଏହି ଅବସରରେ ସଙ୍ଗଠକ, ସମାଜସେବୀ ପ୍ରମୋଦ କୁମାର ନାୟକ ଙ୍କୁ ଉତ୍ତରୀୟ ଓ ମାନପତ୍ର ପ୍ରଦାନ କରାଯାଇ ସମ୍ବର୍ଦ୍ଧିତ କରାଯାଇଥିଲା। ସଂଘର ସାଧାରଣ ସଂପାଦକ ଶିଶିର ଦାଶ ପ୍ରସ୍ତାବ ଆଗତ କରିଥିଲେ । ବୈଠକ ରେ ଜିଲ୍ଲା କଲ୍ୟାଣ ପାଣ୍ଠି  ଅଧ୍ୟକ୍ଷ ରଘୁନାଥ ଆଚାର୍ଯ୍ୟ, ଉପଦେଷ୍ଟା ଅଭୟ ଜେନା , ଉପସଦ୍ଭାପତି ମହଶ୍ଵର ପାତ୍ର, ସଙ୍ଗଠନ ସମ୍ପାଦକ ସୁଭେନ୍ଦୁ ମହାପାତ୍ର, ସଂପାଦକ ଜାନକୀ ବିଲ୍ଲଭ ମହାନ୍ତି, କାଳନ୍ଦୀ ସ୍ୱାଇଁ, ସାଂସ୍କୃତିକ ସଂପାଦକ  ସୂର୍ଯ୍ୟନାରାୟଣ ଦାଶ, କଲ୍ୟାଣପାଣ୍ଠି ଉପାଧ୍ୟକ୍ଷ ପ୍ରଦୀପ କୁମାର ଜେନା, ବ୍ଳକ ସଂଯୋଯକ ଅମିତାଭ ମହାପାତ୍ର, ରଶ୍ମିରଞ୍ଜନ ମଲ୍ଲିକ, ଜଗତବଲ୍ଲବ ନନ୍ଦ, ସଭ୍ୟ ଇଜାଜ ଖାନ୍, ସୁଜାତା ଗୋସ୍ଵାମୀ, ବିନୟ ଦାସ, ଆକାଶ ଦାଶ ପ୍ରମୁଖ ଯୋଗ ଦେଇ  ଆଲୋଚନା ରେ ଭାଗ ନେଇଥିଲେ । ମିଡ଼ିଆ ସଂଯୋଜକ ଅକ୍ଷୟ ଦାଶ ଧନ୍ୟବାଦ ପ୍ରଦାନ କରିଥିଲେ ।