ପୁର୍ବାଞ୍ଚଳ ଅନ୍ତଃ ବିଶ୍ୱବିଦ୍ୟାଳୟ କ୍ରୀଡା ପ୍ରତିଯୋଗିତା: ବ୍ରହ୍ମପୁର ବିଶ୍ବବିଦ୍ୟାଳୟ ଟିମର ମଣିପୁର ଗସ୍ତ

ବ୍ରହ୍ମପୁର,୦୪/୧୧/୨୦୨୪ (ଓଡ଼ିଶା ସମାଚାର)-ପୁର୍ବାଞ୍ଚଳ ଅନ୍ତଃ ବିଶ୍ୱବିଦ୍ୟାଳୟ କ୍ରୀଡା ପ୍ରତିଯୋଗିତା ଚଳିତ ବର୍ଷ ମଣିପୁର ରାଜ୍ୟର ଇମ୍ଫାଲ ଠାରେ ଚଳିତ ମାସ ୬ ତାରିଖ ଠାରୁ ୧୦ ତାରିଖ ପର୍ୟ୍ୟନ୍ତ ଅନୁଷ୍ଠିତ ହେବାକୁ ଯାଉଛି । ଏଥିରେ ଭାଗ ନେବାପାଇଁ ବ୍ରହ୍ମପୁର ବିଶ୍ବବିଦ୍ୟାଳୟ କ୍ରୀଡା ପରିଷଦ ପକ୍ଷରୁ ଶନିବାର ଦିନ ବ୍ୟାଡମିଣ୍ଟନ ପୁରୁଷ ଦଳ ମଣିପୁର ଗସ୍ତ କରିଛି। ଦଳରେ ବ୍ରହ୍ମପୁର ଇମ୍ପେରିଆଲ କଲେଜର ସମିର ଘାଣ୍ଟ, ରୁଦ୍ର ପ୍ରସାଦ ସାମନ୍ତ, ବ୍ରହ୍ମପୁର ବିନାୟକ ଆଚାର୍ୟ୍ୟ କଲେଜର ରବି କିରଣ ପ୍ରଧାନ, ବାଲିଗୁଡା ଆଦୀବାସୀ କଲେଜର ସୁମିତ ନାୟକ, ଧରାକୋଟ ସରକାରୀ ମହାବିଦ୍ୟାଳୟର ଅବିନାଶ ମୁନୀ ରହିଥିବା ବେଳେ କୋଚ୍ ଓ ମେନେଜର ଦାଇତ୍ବରେ ବ୍ରହ୍ମପୁର ଇମ୍ପେରିଆଲ କଲେଜର ସୋର୍ଟ୍ସ ଅଫିସର ସୁଧାଂଶୁ ଅଗସ୍ତି ଦଳ ସହ ଗସ୍ତ କରିଛନ୍ତି। କ୍ରୀଡା ପରିଷଦ ପକ୍ଷରୁ କୁଳପତି ପ୍ରଫେସର ଗୀତାଞ୍ଜଳି ଦାସ, ସମ୍ପାଦକ ଡ଼. ସାରଦା ପ୍ରସାଦ ସାହୁ, ରାକେଶ କୁମାର ମହାନ୍ତି, ରବି ଚରଣ ମିଶ୍ର, ସୁଧାକର ବିଶୋୟୀ, ସଚ୍ଚିଦାନନ୍ଦ ଦାଶ, ଦୀପକ ତିବରବାଲ ଓ ପ୍ରଦିପ ନାୟକ ପ୍ରମୁଖ ଶୁଭେଚ୍ଛା ଜଣାଇଛନ୍ତି।