ଗୁଳିମାଡ଼ରେ ଜଣେ ଯୁବକ ଗୁରୁତର ଆହତ

ବାସୁଦେବପୁର,୦୩/୧୧/୨୦୨୪ (ଓଡ଼ିଶା ସମାଚାର)- ଧାମରା ଥାନା ଅଧିନ କୋଇଥଖୋଲା କିଶୋର ପ୍ରସାଦ ଛକରେ ଗୁଳିମାଡ଼ରେ ଜଣେ ଯୁବକ ଗୁରୁତର ହୋଇଛନ୍ତି । ଗୁରୁତର ଯୁବକ କିଶୋର ପ୍ରସାଦ ଗାଁର ରାଜେନ୍ଦ୍ର ମହାପାତ୍ର (୪୭) । ଶନିବାର ରାତି ପ୍ରାୟ ୯ଟା ସମୟରେ ଗୁଳି ମାଡ଼ ହୋଇଛି । ରାଜେନ୍ଦ୍ରଙ୍କ କାନମୁଣ୍ଡାରେ ଗୁଳି ବାଜିଛି । ପରିବାର ଲୋକେ ରାଜେନ୍ଦ୍ରଙ୍କୁ ସଂଜ୍ଞାହୀନ ଅବସ୍ଥାରେ ଉଦ୍ଧାର କରି ବାସୁଦେବପୁର ମେଡିକାଲରେ ଭର୍ତ୍ତି କରିଥିଲେ । ଅବସ୍ଥା ଗୁରୁତର ହେବାରୁ ତାଙ୍କୁ ଭଦ୍ରକ ଓ ପରେ କଟକ ବଡ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି । ରାଜେନ୍ଦ୍ରଙ୍କ ସଂପର୍କୀୟଙ୍କ ସୂଚନା ଅନୁସାରେ, ୫ରୁ ୬ଜଣ ଯୁବକ ଗୁଳିମାଡ କରିଛନ୍ତି। ଗୁଳିମାଡ କରି ସେମାନେ ଚମ୍ପଟ ମାରିଥିଲେ। ତେବେ ଗୁଳି ମାଡ଼ ପଛର କାରଣ ଏଯାଏ ଅସ୍ପଷ୍ଟ ରହିଛି।