ଉଦିତନଗର ଖେଳ ପଡିଆରେ ଅନୁଷ୍ଠିିତ ଫୁଟବଲ୍ ଟୁର୍ଣ୍ଣାମେଣ୍ଟ ଉଦଯାପିତ

ରାଉରକେଲା, ୦୧/୧୦/୨୦୨୪ (ଓଡ଼ିଶା ସମାଚାର)- ଉଦିତନଗର ଆଦିବାସୀ ୟୁଥ କ୍ଲବ, ଓରାମପଡା ନକ ଆଉଟ ଫୁଟବଲ ଟୁର୍ଣ୍ଣାମେଣ୍ଟ-୨୦୨୪ କ୍ଲବର ସଭାପତି ଲୁନ୍ଦେଇ ଓରାମ ଓ ସମ୍ପାଦକ ଚନ୍ଦୁ ଓରାମଙ୍କ ଆବାହକତ୍ବ ରେ ଉଦିତନଗର ଖେଳ ପଡିଆରେ ଛ ଦିନ ଧରି ଚାଲିଥିବା ଟୁର୍ଣ୍ଣାମେଣ୍ଟ ର ଉଦଯାପନୀ ଫାଇନାଲ ମ୍ୟାଚ ଅନୁଷ୍ଠିତ ହୋଇଯାଇଛି। ଏହି ଫାଇନାଲ ମ୍ୟାଚଟି ଗର୍ଜନ ଏଫ୍ ସି ଓ ଝିରପାଣି ଏଫ୍ ସି ମଧ୍ୟରେ ମୁକାବିଲା ହୋଇଥିଲା ଓ ଏଥିରେ ଝିରପାଣି ଏଫ୍ ସି ୩-୦ ଗୋଲ ସ୍କୋର କରି ଚମ୍ପିୟନ ହୋଇଥିଲା । ମୁଖ୍ୟ ଅତିଥି ପୂଜା ରାଏ ଚମ୍ପିୟନ ଟିମକୁ ଟ୍ରଫି ସହିତ କ୍ଲବ ତରଫରୁ ଘୋଷିତ ଅର୍ଥ ରାଶି ପ୍ରଦାନ କରିଥିଲେ। ଏହି ପୁରସ୍କାର ପ୍ରଦାନ ଉତ୍ସବରେ ଅନ୍ୟାନ୍ୟ ଅତିଥି ମାନଙ୍କ ମଧ୍ୟରେ ଲେଖା ସିଂହ, ରାଜେଶ ମହାପାତ୍ର, ପ୍ରକାଶ ସେନାପତି, ବିଶ୍ବରଞ୍ଜନ ବେହୁରା ଓ ରଞ୍ଜିତ ନାଏକ ଉପସ୍ଥିତ ଥିଲେ। ଆଦିବାସୀ ୟୁଥ କ୍ଲବ ର ସଭାପତି ଲୁନ୍ଦେଇ ଓରାମ ଶ୍ରୀମତୀ ରାୟଙ୍କୁ ପଡିଆ ମଞ୍ଚକୁ ସ୍ବାଗତ କରିଥିଲେ। ଆଦିବାସୀ ୟୁଥ କ୍ଲବ ତରଫରୁ ଆୟୋଜିତ ଏହି ଟୁର୍ଣ୍ଣାମେଣ୍ଟ କୁ ବହୁସଂଖ୍ୟକ ମହିଳା ପୁରୁଷ ଦର୍ଶକ ଉପସ୍ଥିତ ରହି ଆନନ୍ଦର ସହିତ ଉପଭୋଗ କରିଥିଲେ। ଆଜିର ଏଇ ମ୍ୟାଚ ଗୁଡିକ କୁ ସୁନିଲ ଓରାମ, ମନୋଜ ପାଣ୍ଡେ, ସନକୀ ତିର୍କୀ ଓ ରାଜେଶ ତିର୍କୀ ରେଫରୀ ମାନେ ଫାଇନାଲ ମ୍ୟାଚ ଟିକୁ ଅତିସୁନ୍ଦର ଭାବେ ପରିଚାଳନା କରିଥିଲେ। ବେଷ୍ଟ ଭଲେଣ୍ଟିଅର ଭାବେ କ୍ଲବର ଦୁଇଜଣ ଜଗନ୍ନାଥ କେର୍କେଟା ଓ ବୁତା ଖଡିଆ ଙ୍କୁ ପୁରସ୍କୃତ କରାଯାଇଥିଲା। ଉକ୍ତ ଟୁର୍ଣ୍ଣାମେଣ୍ଟ କୁ ସଫଳ କରାଇବାରେ କ୍ଲବର ସଦସ୍ୟ ସର୍ବଶ୍ରୀ ମନମୋହନ ଓରାମ, ସୁରେଶ ଲାକ୍ରା, ଚାନ୍ଦୁ ଓରାମ, ଶୁକ୍ରା ଓରାମ, ବିକାଶ ଓରାମ, ଅଜିତ ଓରାମ, ଲେଦ୍ରା ଓରାମ, ରାଜ କରାମ, ବିଶ୍ବଜିତ ଓରାମ, ରାଜା ଓରାମ, ସନ୍ଦୀପ ଓରାମ, ଲାଲୁ ଓରାମ, ଦୀପକ ପାନ୍ନା ପ୍ରମୁଖ ସକ୍ରିୟ ସହଯୋଗ କରିଥିଲେ।