ଓଡ଼ିଶା ଲଳିତ କଳା ଏକାଡେମୀ ଆନୁକୂଲ୍ୟରେ  ଭୁବନେଶ୍ୱର ପାନ୍ଥନିବାସଠାରେ ଶ୍ରୀଜଗନ୍ନାଥ ଶୀର୍ଷକ ଚିତ୍ରଶିଳ୍ପୀ ଶିବିର

 ଭୁବନେଶ୍ୱର, ୧/୭/୨୦୨୪ (ଓଡ଼ିଶା ସମାଚାର/ରଜତ ମହାପାତ୍ର)-  ଜଗତର ନାଥ ଶ୍ରୀଜଗନ୍ନାଥଙ୍କ ପବିତ୍ର ରଥଯାତ୍ରା ଅବସରରେ ଓଡ଼ିଶା ଲଳିତ କଳା ଏକାଡେମୀ, ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ତରଫରୁ ୨୮ ଜଣ ଚିତ୍ରଶିଳ୍ପୀଙ୍କୁ ନେଇ ଆୟୋଜିତ ହୋଇଛି ରାଜ୍ୟସ୍ତରୀୟ ‘ଶ୍ରୀଜଗନ୍ନାଥ’ ଶୀର୍ଷକ ଚିତ୍ରଶିଳ୍ପୀ ଶିବିର । ଏହି ଚିତ୍ରଶିଳ୍ପୀ ଶିବିରରେ ଓଡ଼ିଶାର ବିଭିନ୍ନ ପ୍ରାନ୍ତରୁ ଶିଳ୍ପୀମାନେ ଅଂଶଗ୍ରହଣ କରି ରଙ୍ଗ ଓ ତୁଳୀର କାନ୍‌ଭାସ ଉପରେ ପୁରୀର ବିଶ୍ୱ ପ୍ରସିଦ୍ଧ ଶ୍ରୀଜଗନ୍ନାଥଙ୍କ ରଥଯାତ୍ରା ସମ୍ବନ୍ଧୀୟ ଚିତ୍ରକଳା ଅଙ୍କନ କରିବେ । ଏହି ଚିତ୍ରକଳା ଶିବିରକୁ ସଂସ୍କୃତି ବିଭାଗ ନିର୍ଦ୍ଦେଶକ ଶ୍ରୀ ଦିଲୀପ ରାଉତରାଏ, କଳିଙ୍ଗ ସମ୍ମିଳନୀ କକ୍ଷ ପାନ୍ଥନିବାସ, ଭୁବନେଶ୍ୱରଠାରେ ଶୁଭ ଉଦ୍‌ଘାଟନ କରି ମହାପ୍ରଭୁ ଶ୍ରୀଜଗନ୍ନାଥଙ୍କ ଘୋଷଯାତ୍ରା ଉପରେ ପର୍ଯ୍ୟବେଶିତ ଚିତ୍ରକଳାଗୁଡ଼ିକର ମାଧୁର୍ଯ୍ୟ ଭକ୍ତ ଏବଂ କଳାପ୍ରେମୀମାନଙ୍କୁ ଆକୃଷ୍ଟ ଏବଂ ଆତ୍ମନ୍ଦିତ କରିବାରେ ସକ୍ଷମ ହେବ ବୋଲି ପ୍ରକାଶ କରିଛନ୍ତି ।

          ଏକାଡେମୀର ସଭାପତି ତଥା ଅନ୍ତର୍ଜାତୀୟ ବାଲୁକା ଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ, ଶ୍ରୀ ମଧୁସୂଦନ ଦାସ, ସ୍ୱତନ୍ତ୍ର ଶାସନ ସଚିବ, ଓଡ଼ିଶା ଭାଷା, ସାହିତ୍ୟ ଓ ସଂସ୍କୃତି ବିଭାଗ, ଓଡ଼ିଶା ଲଳିତ କଳା ଏକାଡେମୀର କାର୍ଯ୍ୟକାରୀ ସମିତି ସଭ୍ୟ ତଥା ବରିଷ୍ଠ ଶିଳ୍ପୀ ମହେନ୍ଦ୍ର ପ୍ରସାଦ ମହାପାତ୍ର, ଶ୍ରୀ ଅକ୍ଷୟ କୁମାର ସାମଲ ଏବଂ ସଭ୍ୟ ଶ୍ରୀ ଶ୍ୟାମସୁନ୍ଦର ମେହେର ଏତଦ୍‌ବ୍ୟତୀତ ବରିଷ୍ଠ ଚିତ୍ରଶିଳ୍ପୀ ତଥା ଏକାଡେମୀର ପୂର୍ବତନ ସଚିବ ଶ୍ରୀ ଗଜେନ୍ଦ୍ର ପ୍ରସାଦ ସାହୁ, ଅନ୍ୟତମ ପୂର୍ବତନ ସଚିବ ଡ. ପଞ୍ଚାନନ ସାମଲଙ୍କ ସମେତ ବହୁ ଚିତ୍ରଶିଳ୍ପୀ ଯୋଗ ଦେଇଥିଲେ ।

          ଉକ୍ତ ଶିବିରରେ ଜୟନ୍ତ କୁମାର ପଣ୍ଡା, ନୃସିଂହ ନାୟକ, ଭୁବନ ମୋହନ ତି୍ରପାଠୀ, ବିଜୟ କୁମାର ସାହୁ, ଅଲିନା ବିଶ୍ୱାଳ, କିରଣ ପ୍ରଭା ମିଶ୍ର, କଲ୍ୟାଣ ବାରିକ, ରାଧେଶ୍ୟାମ ବାରିକ, ଲକ୍ଷ୍ମୀପ୍ରିୟା ପ୍ରଧାନ, ବ୍ରହ୍ମାନନ୍ଦ ବେହେରା, ରମେଶ ଦେ, ଶଶିକାନ୍ତ ସାହୁ, ଦୁର୍ଗା ମାଧବ କର, ଖୋକନ ସରକାର, ସୀମା ବେହେରା, ରାଜକିଶୋର ଦିଣ୍ଡା, ତନ୍ମୟ କୁମାର ଭୋଳ, ଡ. ଦିନବନ୍ଧୁ ସାହୁ, ସପଥ ଦାସ, ଶ୍ରୀକାନ୍ତ ଦାସ, ପ୍ରସନ୍ନ କୁମାର ଆଚାର୍ଯ୍ୟ, ବ୍ରଜନାରାୟଣ ଷଡଙ୍ଗୀ, କିଶୋର କୁମାର ସାହୁ, ପୁଷ୍ପଲତା ସାହୁ, ଚିନ୍ତାମଣି ବିଶ୍ୱାଳ, ମନୋରଞ୍ଜନ ଦାସ, ଦାସରଥୀ ମହନ୍ତ ଓ ସୌମ୍ୟରଞ୍ଜନ ପଟ୍ଟନାୟକ ପ୍ରମୁଖ ଅଂଶଗ୍ରହଣ କରି ଶ୍ରୀଜଗନ୍ନାଥଙ୍କ ରଥଯାତ୍ରା ଉପରେ ଚିତ୍ର ଅଙ୍କନ କରିବେ । ଏହି ଶିବିରଟି ଆସନ୍ତା ତା. ୦୪/୦୭/୨୦୨୪ରିଖ ପର୍ଯ୍ୟନ୍ତ ଚାଲିବ । ଶ୍ରୀ ଦେବାନନ୍ଦ ବରିହା, ଉପନିର୍ଦ୍ଦେଶକ ତଥା ଏକାଡେମୀର ସଚିବ ଏହି ଉଦ୍‌ଘାଟନୀ ଉତ୍ସବକୁ ପରିଚାଳନା କରିଥିଲେ ।

Leave a Reply

Your email address will not be published. Required fields are marked *