ଏପିଜେ ଅବଦୁଲ କାଲାମ ଟ୍ରଷ୍ଟ ତରଫରୁ ଥଣ୍ଡା ପାନୀୟ ଚଲ୍ହା ବଣ୍ଟନ ର ଉଦଯାପନୀ ଦିବସ ରେ ଛେନାପଣା ବଣ୍ଟନ

ଖଲ୍ଲିକୋଟ ୧୩/୦୫/୨୦୨୪ (ଓଡ଼ିଶା ସମାଚାର)-ଏପିଜେ ଅବଦୁଲ କାଲାମ ଜନ କଲ୍ୟାଣ ଟ୍ରଷ୍ଟ ପକ୍ଷରୁ ଖଲ୍ଲିକୋଟ କରଣ ସାହି ଠାରେ ଦୀର୍ଘ ୧୦ ଦିନ ଧରି ବାଟୋଇ ମାନଙ୍କୁ ଥଣ୍ଡା ଚଲ୍ହା ବଣ୍ଟନ  କରାଯାଉଥିଲା। ଉଦଯାପନୀ ଦିବସ ରେ ବାଟୋଇ ଙ୍କୁ ଛେନା ପଣା ବଣ୍ଟନ କରାଯାଇଥିଲା। ଉଦଯାପନୀ ଦିବସ ରେ ଖଲ୍ଲିକୋଟ ଆର୍ଟ କଲେଜ ର ଅବସର ପ୍ରାପ୍ତ ଅଧ୍ୟକ୍ଷ ଶ୍ରୀ ପ୍ରଶାନ୍ତ କୁମାର ଦାସ ମୁଖ୍ୟ ଅତିଥି ରୂପେ ଯୋଗ ଦେଇ ଟ୍ରଷ୍ଟ ପକ୍ଷରୁ ଆରମ୍ଭ କରାଯାଇଥିବା ଏଭଳି କାର୍ଯ୍ୟକ୍ରମ କୁ ଭୁୟସୀ ପ୍ରଶଂସା କରିଥିଲେ। ଟ୍ରଷ୍ଟ ର ସକ୍ରିୟ ସଭ୍ୟ ଭୀମସେନ ଦାସ ଉପସ୍ଥିତ ରହି ବାଟୋଇ ଙ୍କୁ ଛେନା ରସାବଳୀ ବଣ୍ଟନ କରିଥିଲେ। ଟ୍ରଷ୍ଟ ର ସଭାପତି ଶ୍ରୀ ପୁର୍ଣ ଚନ୍ଦ୍ର ବେହେରା ଙ୍କ ସହ ସମ୍ପାଦକ ପଞ୍ଚାନନ ସୁର  ସୁଚାର ରୂପେ ସମସ୍ତ କାର୍ଯ୍ୟ ସମ୍ପାଦନା କରିଥିଲେ।ମୁଖ୍ୟ ଅଥିତି ଶ୍ରୀ ଦାସ ଙ୍କ ଦ୍ଵାରା ଶ୍ରୀ ପୁର୍ଣ ଚନ୍ଦ୍ର ପାତ୍ର ଓ ଶ୍ରୀ ଦେବୀ ପ୍ରସାଦ ସେଠି ଙ୍କୁ ଉପଢୌକନ ପ୍ରଦାନ କରି ସମ୍ମାନିତ କରାଯାଇଥିଲା।ଅନ୍ୟ ମାନଙ୍କ ମଧ୍ୟରେ ଟ୍ରଷ୍ଟ ର କୋଷାଧ୍ୟକ୍ଷ ହର ପ୍ରସାଦ ସାମନ୍ତ ,ଦ୍ଵାରିକା ନାଥ ମହାରଣା ,ଦଣ୍ଡପାଣି ବେହେରା,ବିଦ୍ୟୁତପ୍ରଭା ଦାସ, ଲକ୍ଷ୍ମୀ ଦାସ ,ଆଇନଜୀଵି ବାବାଜୀ ସିଂ ଓ ଟ୍ରଷ୍ଟ ର ବହୁ ସଭ୍ୟ ଉକ୍ତ କାର୍ଯ୍ୟକ୍ରମ ରେ ସହଯୋଗ କରିଥିଲେ।