ହୋଲି ଖେଳିସାରି ପୋଖରୀ ରେ ଗାଧୋଇବା ବେଳେ ବୁଡ଼ିଯାଇ ଛାତ୍ରର ମୃତ୍ୟୁ

ସାଲେପୁର, ୨୬/୦୩/୨୦୨୪ (ଓଡିଶା ସମାଚାର /ଅଭୟ ଜେନା )-କଟକ ଜିଲ୍ଲା ସାଲେପୁର ଥାନା ଛାଣିପୁର ଗ୍ରାମରେ ହୋଲି ଅବସରରେ ଘଟିଯାଇଛି ଅଘଟଣ ।ସରୋଜ ଦାସ ଙ୍କ ପୁଅ ଆଶିଷ କୁମାର ଦାସ ହୋଲି ଖେଳିସାରି ନିକଟସ୍ଥ କରମୁଆଁ ରେ ଏକ ପୋଖରୀରେ ସାଙ୍ଗ ମାନଙ୍କ ସହ ଗାଧୋଇବା ବେଳେ ଗଭୀର ପାଣିରେ ବୁଡି ଯାଇଥିଲେ । ସ୍ଥାନୀୟ ଲୋକମାନେ ତାକୁ ଉଦ୍ଧାର କରି ସାଲେପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର କୁ ଚିକିତ୍ସା ପାଇଁ ଆଣିଥିଲେ । ମାତ୍ର ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଆଶିଷ ଯୁକ୍ତ ଦୁଇ ର ଛାତ୍ର ଥିବା ଜଣାପଡିଛି । ଏ ନେଇ ଗ୍ରାମରେ ଶୋକ ପ୍ରକାଶ ପାଇଛି ।