କାମାକ୍ଷା ନଗର ମହୋତ୍ସବ ରେ ଚିତ୍ର ଶିଳ୍ପୀ ନାରାୟଣ ସାହୁ ସମ୍ବର୍ଦ୍ଧିତ

ଭୁବନ,୦୪/୦୨/୨୦୨୪ (ଓଡ଼ିଶା ସମାଚାର)- ଢେ଼ଙ୍କାନାଳ ଜିଲ୍ଲା କାମାକ୍ଷା ନଗର ମହୋତ୍ସବ ରେ ଭୁବନ ର ସୁନାମଧନ୍ୟ ଚିତ୍ରଶିଳ୍ପୀ ଶ୍ରୀଯୁକ୍ତ ନାରାୟଣ ସାହୁ ଙ୍କୁ ସମ୍ବର୍ଦ୍ଧିତ କରାଯାଇଛି । ଉପ ଜିଲ୍ଲାପାଳ ନାରାୟଣ ଚନ୍ଦ୍ର ନାୟକ ଙ୍କ ସଭାପତିତ୍ବ ରେ ଅନୁଷ୍ଠିତ କାର୍ଯ୍ୟକ୍ରମରେ  ବାଚସ୍ପତି ଶ୍ରୀମତୀ ପ୍ରମିଳା ମଲ୍ଲିକ ମୁଖ୍ୟ ଅତିଥି ଭାବେ ଯୋଗଦେଇ ଚିତ୍ରଶିଳ୍ପୀ ଶ୍ରୀଯୁକ୍ତ ସାହୁ ଙ୍କୁ ପ୍ରଶଂସା ପତ୍ର, ପୁଷ୍ପଗୁଛ ଓ ଉପଢୌକନ ଦେଇ ସମ୍ବର୍ଦ୍ଧିତ କରିବା ସହ ଚିତ୍ରଶିଳ୍ପ କ୍ଷେତ୍ରରେ ନାରାୟଣ ବାବୁ ନିଜର ସ୍ଵତନ୍ତ୍ର ସ୍ଥାନ ହାସଲ କରିପାରିଛନ୍ତି ବୋଲି  ମତବ୍ୟକ୍ତ କରିଥିଲେ  । ଶ୍ରୀଯୁକ୍ତ ସାହୁ ଏହା ପୂର୍ବରୁ ମହିମା ଚିତ୍ରକଳା ସମ୍ମାନ ଲାଭ କରିଥିଲେ। ଏହି ମହୋତ୍ସବ କାର୍ଯ୍ୟକ୍ରମରେ ବାଣୀ ଭୂଷଣ ଗାୟକ ରାମଚନ୍ଦ୍ର ଦାସ ଏବଂ କ୍ରୀଡାବିତ ନୀଳମଣି ସାହୁ ଙ୍କୁ ମଧ୍ୟ ସମ୍ବର୍ଦ୍ଧିତ କରାଯାଇଥିଲା।