ଭୁବନେଶ୍ୱର,୨୫/୦୩/୨୦୨୬ (ଓଡ଼ିଶା ସମାଚାର)- ରାଜ୍ୟର ଜିଲା ଦୌରାଜଜ୍ ଓ ଅନ୍ୟାନ୍ୟ ନିମ୍ନ ଅଦାଲତ ସକାଳୁଆ ହେବ । ଏପ୍ରିଲ ୬ ରୁ ସକାଳୁଆ କୋର୍ଟ ନେଇ ଓଡିଶା ହାଇକୋର୍ଟଙ୍କ ପକ୍ଷରୁ ସମସ୍ତ ଜିଲା ଦୌରାଜଜଙ୍କୁ ଏନେଇ ନିର୍ଦ୍ଧେଶ ଦିଆଯାଇଛି । ସକାଳ ୭ଟାରୁ ଦିନ ୧ଟା ପର୍ଯ୍ୟନ୍ତ କୋର୍ଟ କାର୍ଯ୍ୟ ଚାଲିବ । ମଝିରେ ଅଧ ଘଂଟାର ବିରତି ମଧ୍ୟ ରହିବ । ବ୍ରହ୍ମପୁର, ଛତ୍ରପୁର, ଭୁବନେଶ୍ୱର, କୋରାପୁଟ ସଦର ଓ ପୁରୀ ସଦର ବ୍ୟତୀତ ଅନ୍ୟ ସମସ୍ତ କୋର୍ଟରେ ଏହି ନିୟମ ଲାଗୁହେବ ।
ସମସ୍ତ ଜିଲା ଏବଂ ସେସନ୍ସ ଜଜଙ୍କୁ ଲେଖିଥିବା ଚିଠିରେ, ରେଜିଷ୍ଟ୍ରାର କହିଛନ୍ତ ଯେ ରାଜ୍ୟର ସମସ୍ତ ସ୍ଥାନରେ ଥିବା ଜିଲା ଏବଂ ଅଧସ୍ତନ କୋର୍ଟଗୁଡ଼ିକର ସକାଳ ବୈଠକ ଏପ୍ରିଲ ୬ (ସୋମବାର) ଠାରୁ ସକାଳ ୭ ଟାରୁ ଅପରାହ୍ନ ୧ ଟା ପର୍ଯ୍ୟନ୍ତ ଆରମ୍ଭ ହେବ ଏବଂ ୧୦ ଟାରୁ ୧୦.୩୦ ଯାଏ ଅଧ ଘଂଟା ବିରତି ରହିବ । ବ୍ରହ୍ମପୁର, ଛତ୍ରପୁର, ଭୁବନେଶ୍ୱର, କୋରାପୁଟ (ସଦର) ଏବଂ ପୁରୀ (ସଦର) ବ୍ୟତୀତ ଅନ୍ୟ ସ୍ଥାନଗୁଡ଼ିକରେ ଗ୍ରୀଷ୍ମ ଅବକାଶର ଶେଷ କାର୍ଯ୍ୟ ଦିବସ ପର୍ଯ୍ୟନ୍ତ କୋର୍ଟ ବୈଠକ ସକାଳ ୭.୩୦ ରୁ ୧୨.୩୦ ପର୍ଯ୍ୟନ୍ତ ହେବ ।
