କଟକ ସଦର,୦୫/୦୧/୨୦୨୬(ଓଡ଼ିଶା ସମାଚାର/ବିଷ୍ଣୁ ବେହେରା)- ନିଲମ୍ବିତ ହେଲେ ସିଆରଆରଆଇ ଥାନା ଆଇଆଇସି ବିଜୟ ବାରିକ । ବିଜୟଙ୍କ ବିରୁଦ୍ଧରେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ନେଲେ ପୋଲିସ ଡିଜି । ୪୦ ହଜାର ଟଙ୍କା ଲାଂଚ ନେବାବେଳେ ଧରିଥିଲା ଭିଜିଲାନ୍ସ । ଲାଂଚ କାରବାରରେ ସଂପୃକ୍ତ ପରେ ଏଭଳି କାର୍ଯ୍ୟାନୁଷ୍ଠାନ ନିଆଯାଇଛି । ନିଲମ୍ବନ ସମୟରେ ପୋଲିସ କମିଶନରଙ୍କ ଶୃଙ୍ଖଳାଗତ ନିୟନ୍ତ୍ରଣରେ ରହିବେ ବିଜୟ ।
ଭିଜିଲାନ୍ସ ଲାଂଚ ମାମଲାରେ ଗିରଫ ହେବା ପରେ ଆଜି କଟକ ସହରର ସିଆରଆରଆଇ ପୋଲିସ ଷ୍ଟେସନର ଇନସପେକ୍ଟର-ଇନଚାର୍ଜ ବିଜୟ କୁମାର ବାରିକଙ୍କ ବିରୁଦ୍ଧରେ ଓଡ଼ିଶା ଡିଜିପି ୱାଇବି ଖୁରାନିଆ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି ଏବଂ ତାଙ୍କୁ ନିଲମ୍ବନ କରିଛନ୍ତି । ଓଡିଶା ପୋଲିସ ରାଜ୍ୟ ମୁଖ୍ୟାଳୟ ଦ୍ୱାରା ଜାରି ଏକ ପ୍ରେସ୍ ବିଜ୍ଞପ୍ତି ଅନୁଯାୟୀ, ଡିଜିପି ବାରିକଙ୍କୁ ତୁରନ୍ତ ପ୍ରଭାବରୁ ନିଲମ୍ବିତ କରିଛନ୍ତି ଏବଂ ନିର୍ଦେଶ ଦେଇଛନ୍ତି ଯେ ସେ ତାଙ୍କ ନିଲମ୍ବନ ଅବଧି ମଧ୍ୟରେ ଭୁବନେଶ୍ୱର-କଟକ ପୋଲିସ କମିଶନରଙ୍କ ଶୃଙ୍ଖଳାଗତ ନିୟନ୍ତ୍ରଣରେ ରହିବେ ।
ଏଠାରେ ଉଲ୍ଲେଖନୀୟ ଯେ ସିଆରଆରଆଇ ପୋଲିସ ଷ୍ଟେସନର ଆଇଆଇସିଙ୍କୁ ତାଙ୍କର ବ୍ୟବସାୟ ସୁରୁଖୁରୁରେ କରିବା ପାଇଁ ଜଣେ ଲାଇସେନ୍ସପ୍ରାପ୍ତ ମଦ ବିକ୍ରେତାଙ୍କଠାରୁ ଲାଂଚ ନେବା ଅଭିଯୋଗରେ ଭିଜିଲାନ୍ସ ଅଧିକାରୀମାନେ ଗିରଫ କରିଥିଲେ । ପ୍ରେସ୍ ବିଜ୍ଞପ୍ତିରେ ଆହୁରି କୁହାଯାଇଛି,“ଆଦେଶ ବଳବତର ରହିବା ପର୍ଯ୍ୟନ୍ତ, ସେ ଭୁବନେଶ୍ୱର- କଟକ, ଭୁବନେଶ୍ୱରର ପୋଲିସ କମିଶନରଙ୍କ ଶୃଙ୍ଖଳାଗତ ନିୟନ୍ତ୍ରଣରେ ରହିବେ ।”
