ବାରଙ୍ଗ୨୮/୧୦/୨୦୨୫(ଓଡ଼ିଶା ସମାଚାର)- ବେଙ୍ଗାପସାଗର ଉପରେ ସମ୍ଭାବ୍ୟ ଘୂର୍ଣ୍ଣିବଳୟ ଡିପ୍ରେସନ ସମ୍ପର୍କରେ ପାଣିପାଗ ରିପୋର୍ଟକୁ ଦୃଷ୍ଟିରେ ରଖି, ନନ୍ଦନକାନନ କର୍ତୃପକ୍ଷ ଜୈବିକ ଉଦ୍ୟାନ ପ୍ରାଣୀ, ପରିଦର୍ଶକ ଭିତିଭୂମିର ସୁରକ୍ଷା ସୁନିଶ୍ଚିତ କରିବା ପାଇଁ ଏକ ବ୍ୟାପକ ପ୍ରସ୍ତୁତି ଯୋଜନା ଆରମ୍ଭ କରିଛି । ନନ୍ଦନକାନନ ଜୈବିକ ଉଦ୍ୟାନର ନିର୍ଦ୍ଧେଶକଙ୍କ ମାର୍ଗଦର୍ଶନରେ ପାର୍କ ପ୍ରଶାସନ ସମସ୍ତ ସ୍ତରରେ ବିସ୍ତୃତ ନିର୍ଦେଶନାମା ଜାରି କରିଛି ଏବଂ ସତର୍କତାମୂଳକ ପଦକ୍ଷେପଗୁଡ଼ିକୁ ସକ୍ରିୟ କରିଛନ୍ତି ।.
ରିଅଲ୍-ଟାଇମ୍ ପ୍ରତିକ୍ରିୟା ଏବଂ ଯୋଗାଯୋଗର ସମନ୍ୱୟ ପାଇଁ ସହାୟକ ବନ ସଂରକ୍ଷକ ଙ୍କ ନେତୃତ୍ୱରେ ଏବଂ ଉପର୍ଦେଶକଙ୍କ ତତ୍ୱାବଧାନରେ ଏକ ୨୪ଙ୍ଘଟିଆ ନିୟନ୍ତ୍ରଣ କକ୍ଷ ପ୍ରତିଷ୍ଠା କରାଯାଇଛି । ସମସ୍ତ ରେଞ୍ଜ ଅଧିକାରୀ ଏବଂ ଫ୍ରଣ୍ଟଲାଇନ୍ କର୍ମଚାରୀଙ୍କୁ ପାର୍କ ପରିସରରେ ରହିବାକୁ ନିର୍ଦେଶ ଦିଆଯାଇଛି । ଏହି ସମୟଦ୍ଧ୍ୟରେ ସମସ୍ତ କର୍ମଚାରୀଙ୍କ ପାଇଁ ଛୁଟି ପ୍ରତିବନ୍ଧିତ କରାଯାଇଛି ।
ପାୱାର ସା, ଚେନ୍ ସା ଏବଂ ଯୋଗାଯୋଗ ପ୍ରଣାଳୀ ସମେତ ସମସ୍ତ ଜରୁରୀକାଳୀନ ଏବଂ ଉଦ୍ଧାର ଉପକରଣର ମକ୍ ଡ୍ରିଲ୍ ଏବଂ ଯାଂଚ ସମାପ୍ତ ହୋଇଛି । ଜରୁରୀକାଳୀନ ପରିସ୍ଥିତିରେ ତୁରନ୍ତ ସହାୟତା ପାଇଁ ପୋଲିସ, ଅଗ୍ନିଶମ ସେବା, ବିଦ୍ୟୁତ ବିଭାଗ ଏବଂ ଡିସ୍କମ୍ ସହିତ ଆଗୁଆ ଯୋଗାଯୋଗ ସୁନିଶ୍ଚିତ କରାଯାଇଛି । ପ୍ରାଣୀ ସୁରକ୍ଷା ବ୍ୟବସ୍ଥାକୁ ସୁଦୃଢ଼ କରାଯାଇଛି । ଘୂର୍ଣ୍ଣିଝଡ଼ ସମୟରେ ମାଂସାହାରୀ ଏବଂ ଅନ୍ୟାନ୍ୟ ସମ୍ୱେଦନଶୀଳ ପ୍ରଜାତି ରାତ୍ରି ଆଶ୍ରୟସ୍ଥଳରେ ସୀମିତ ରହିବେ । ପକ୍ଷୀ ଘୂର୍ଣ୍ଣିଝଡ଼କୁ ଜାଲ ଏବଂ କାଠ ଆଶ୍ରୟସ୍ଥଳ ସହିତ ସୁରକ୍ଷିତ କରାଯାଉଛି ।
