ମାହାଙ୍ଗା,୧୩/୧୦/୨୦୨୫ ( ଓଡିଶା ସମାଚାର/ ଅଭୟ ଜେନା) – ଆଦି ନାଟ୍ୟକାର ଜଗମୋହନ ଲାଲଙ୍କ ଜନ୍ମମାଟି ମାହାଙ୍ଗାରେ ଗଣକବି ବୈଷ୍ଣବ ପାଣିଙ୍କ ଜୟନ୍ତୀ ଉତ୍ସବ ମହା ମହାସମାରୋହରେ ପାଳିତହେଉଛି । ମାହାଙ୍ଗା ବିକାଶ ପରିଷଦ ଆନୁକୂଲ୍ୟରେ ଆୟୋଜିତ ଏହି ସାରସ୍ୱତ କାର୍ଯ୍ୟକ୍ରମରେ ନାରୀନେତ୍ରୀ ଶ୍ରୀମୟୀ ମିଶ୍ର ମୁଖ୍ୟ ଅତିଥି ଭାବେ ଯୋଗଦେଇଥିଲେ ।
ନାଟକ ମାଧ୍ୟମରେ ଓଡ଼ିଆ ଜାତିକୁ ସଂଗଠିତ କରିବାରେ, ଗଣକବି ବୈଷ୍ଣବ ପାଣିଙ୍କ ଭୂମିକା ଅତୁଳନୀୟ ବୋଲି ଶ୍ରୀମୟୀ କହିଥିଲେ । ଉତ୍ସବରେ ଯୁବ ବିଧାୟକ ଶାରଦା ପ୍ରଧାନ ଯୋଗଦେଇ,ମାହାଙ୍ଗା ମାଟିର ଯଶସ୍ବୀ ପୁରୁଷ ଗଣକବିଙ୍କ ଭାବଧାରାରେ ଅନୁପ୍ରାଣିତ ହେବାକୁ ଆହ୍ୱାନ ଦେଇଥିଲେ । ସମିତିସଭ୍ୟ ମନୋରଞ୍ଜନ ନାୟକଙ୍କ ସଭାପତିତ୍ୱରେ ଆୟୋଜିତ ଏହି ସାହିତ୍ୟ ସଭାରେ ସମାଜସେବୀ ଯାଜ୍ଞସେନୀ ଜେନା, ପୂର୍ବତନ ସମିତିସଭ୍ୟ ପୂର୍ଣ୍ଣଚନ୍ଦ୍ର ମହାପାତ୍ର, ପ୍ରମୁଖ ଯୋଗଦେଇ ଗଣକବିଙ୍କ ପ୍ରତି ଶ୍ରଦ୍ଧାଞ୍ଜଳି ଅର୍ପଣ କରିଥିଲେ । 
ଶେଷରେ ଗଣକବିଙ୍କ ରଚିତ ଗୀତିନାଟ୍ୟ ମଞ୍ଚସ୍ଥ ହୋଇଥିଲା । ଯୁଗଜ୍ୟୋତି ସାଂସ୍କୃତିକ ପରିଷଦ କୁହୁଣ୍ଡା ପକ୍ଷରୁ “ଦାନୀ ହରିଶ୍ଚନ୍ଦ୍ର”, ଜୟଗୁରୁ ଯୁବ ପରିଷଦ ଉଷୁମା “କଂସ ଦିଗବିଜୟ” ଏବଂ ନନ୍ଦୀବଟ ସାଂସ୍କୃତିକ ସଂସଦ,ଜଳସରପୁର ର କଳାକାର ମାନେ “ମୋହନ ମୁରାରୀ ” ଗୀତିନାଟ୍ୟ ପରିବେଷଣ କରିଥିଲେ ।
ଏହି ସାରସ୍ୱତ ସମାବେଶରେ ବହୁ ସାହିତ୍ୟ ସଂସ୍କୃତି ପ୍ରେମୀ ଜନସାଧାରଣ ଉପସ୍ଥିତ ଥିଲେ । ମାହାଙ୍ଗା ଠାରେ ସ୍ଥାନୀୟ ବିଧାୟକଙ୍କ ଦ୍ୱାରା ଶ୍ରୀ ଶ୍ରୀ ରାଧାକାନ୍ତ ଜୀୟୁଙ୍କ ନୂତନ ମନ୍ଦିର ପାଇଁ ଶୁଭ ଶିଳାନ୍ୟାସ ଓ ଭୂମି ପୂଜନ କାର୍ଯ୍ୟକ୍ରମ ସମ୍ପନ୍ନ ହୋଇଥିଲା ।
