ଆନନ୍ଦପୁର,୦୨/୧୦/୨୦୨୫(ଓଡ଼ିଶା ସମାଚାର)- କେନ୍ଦୁଝର ଜିଲା ଆନନ୍ଦପୁର ଅଂଚଳରେ ଏକ ଅଭାବନୀୟ ଘଟଣା ଘଟିଛି। ପାରିବାରିକ କଳହ କୁ ନେଇ ସ୍ୱାମୀ ନିଜ ପତ୍ନୀକୁ କୁରାଢ଼ୀରେ ହାଣି ହତ୍ୟା କରିଥିବା ଅଭିଯୋଗ ହୋଇଛି ।
ଆନନ୍ଦପୁର ଅଂଚଳର ନନ୍ଦିପଦା ଥାନା ଡଅଁର ଗାଁରେ ଏଭଳି ଅଭାବନୀୟ ଘଟଣା ଘଟିଛି। ସ୍ୱାମୀର କୁରାଢ଼ୀ ଆକ୍ରମଣ ପରେ ସମ୍ପୃକ୍ତ ମହିଳାଙ୍କୁ ଭଦ୍ରକ ଡାକ୍ତରଖାନଙ୍କୁ ନିଆଯାଇଥିଲ । ହେଲେ ସେଠାରେ ଡାକ୍ତର ତାଙ୍କୁ ନୃତ ଘୋଷଣା କରିଥିଲେ।ଅଭିଯୁକ୍ତ ସ୍ୱାମୀ ହେଉଛନ୍ତି ଦେବୀ ପ୍ରସାଦ ଜେନା। ସେ ଭଦ୍ରକ ଜିଲ୍ଲା ବନ୍ତ ବ୍ଲକର ଅତିରିକ୍ତ ବ୍ଲକ ଉନ୍ନୟନ ଅଧିକାରୀ ଅଛନ୍ତି । ପତ୍ନୀ କୁ କୁରାଢ଼ୀରେ ଆକ୍ରମଣ କରିବା ପରେ ସେ ଫେରାର ହୋଇଯାଇଛନ୍ତି । ପୁଲିସ ଘଟଣାର ତଦନ୍ତ ଆରମ୍ଭ କରିଛି।
