ଜଗତସିଂହପୁର,୧୪/୦୮/୨୦୨୫ (ଓଡ଼ିଶା ସମାଚାର)-ପ୍ରଧାନମନ୍ତ୍ରୀ ଫସଲ ବୀମା ଯୋଜନା ଉପରେ, ଜଗତସିଂହପୁର ଜିଲ୍ଲା ନାଉଗାଁ ବସ୍ ଷ୍ଟାଣ୍ଡ ରେ ଏକ ସଚେତନତା ମ୍ୟାଜିକ ସୋ ଅନୁଷ୍ଠିତ ହୋଇ ଯାଇଛି। ରିଲିଆନ୍ସ ଜେନେରାଲ ଇନ୍ସୁରାନ୍ସ କମ୍ପାନୀ ଦ୍ୱାରା ଆୟୋଜିତ ଉତ୍ସବରେ ଓଡିଶା ର ସୁ ପରିଚିତ ଯାଦୁକର ଶିବନାଥ ତାଙ୍କ ଯାଦୁକରୀ କଳା କୌଶଳ ମାଧ୍ୟମ ରେ ଫସଲ ବୀମା ର ସୁବିଧା ସୁଯୋଗ ବିଷୟରେ ସଚେତନ କରିଥିଲେ।
ପ୍ରାରମ୍ଭ ରେ ନାଉଗାଁ ବ୍ଲକ କୃଷି ଅଧିକାରିଣୀ ଯୁଗସ୍ମିତା ମହାପାତ୍ର, କାର୍ୟ୍ୟକ୍ରମ କୁ ଉଦଘାଟନ କରିଥଲେ। ରିଲିଆନ୍ସ ଜେନେରାଲ ଇନ୍ସୁରାନ୍ସ କମ୍ପାନୀ ର କ୍ଲଷ୍ଟର ମୁଖ୍ୟ ମୃତୁଞ୍ଜୟ ରାଉତ, ସଂମ୍ମାନିତ ଅତିଥି ଭାବେ ଯୋଗଦାନ କରି ଫସଲ ବୀମା ର ଉପଯୋଗିତା ଉପରେ ଆଲୋକପାତ କରିଥିଲେ। ବିଶେଷ କରି ଗତ ବର୍ଷ ଡିସେମ୍ବର ମାସ ର ଅଦିନିଆ ବର୍ଷା ରେ ହୋଇଥିବା କ୍ଷୟ କ୍ଷତି ବାବଦ ରେ ଜଗତସିଂହପୁର ଜିଲ୍ଲା ରେ ନିର୍ଦ୍ଧାରିତ ସମୟ ସୀମା ମଧ୍ୟରେ ସୂଚନା ଦେଇଥିବା ୨୪ ହଜାର ଚାଷୀ ଙ୍କୁ ୪ କୋଟି ୧୯ ଲକ୍ଷ ଟଙ୍କା କ୍ଷୟ କ୍ଷତି ପୂରଣ ବାବଦ ରେ ପ୍ରଦାନ କରାଯାଇ ଥିବା ନେଇ ସୂଚନା ଦେଇଥିଲେ।
ଫସଲ ବୀମା ପଞ୍ଜିକରଣ ର ଶେଷ ତାରିଖ ପୂର୍ବ ରୁ ଅଧôକ ସଂଖ୍ୟକ ଚାଷୀ ନିକଟସ୍ଥ ଜନସେବା କେନ୍ଦ୍ର ରେ ପଞ୍ଜିକରଣ କରିବାକୁ ଆହ୍ୱାନ ଦେଇଥିଲେ। ଅନ୍ୟ ମାନଙ୍କ ମଧ୍ୟରେ ଯାଜପୁର ଜିଲ୍ଲା ସଂଯୋଜକ ମୁର୍ଦୁଗୁଲ ଗଜବର୍ୟ, ରିସ୍କ ଟିମ ଜିଲ୍ଲା ସଂଯୋଜକ ନାଜିମ, କୃଷି କର୍ମଚାରୀ ବିଶ୍ୱଜିତ ପରିଡା, ମାମିନା ସେଠୀ, ପ୍ରମୁଖ ଅତିଥି ଭାବେ ଯୋଗଦାନ କରିଥିଲେ। ଜିଲ୍ଲା ସଂଯୋଜକ ପ୍ରମୋଦ କୁମାର ନାୟକ କାର୍ୟ୍ୟକ୍ରମ ପରିଚାଳନା କରିଥିଲେ। କାର୍ୟ୍ୟକ୍ରମ ଆୟୋଜକ ରେ ବ୍ଲକ ସଂଯୋଜକ ସୌମ୍ୟ ରଞ୍ଜନ ନିହାଣ,କବି ପ୍ରସାଦ ନାୟକ,ଚନ୍ଦନ ମହାରଣା, ପ୍ରାସନ୍ନ ବାରିକ, କନ୍ନେହୀ ବେହେରା, ଅକ୍ଷୟ ଭୋଳ ପ୍ରମୁଖ ସହଯୋଗ କରିଥିଲେ ।
