ପ୍ରତୀକ୍ଷାର ଅନ୍ତ, ସିଦ୍ଧେଶ୍ୱରପୁର-ପାରାଵିଲ୍ କେନାଲ ବନ୍ଧ ରାସ୍ତାର ଟେଣ୍ଡର ପ୍ରକ୍ରିୟା ଆରମ୍ଭ, ବିଧାୟକଙ୍କୁ ଧନ୍ୟବାଦ ଜଣାଇଲେ ଗ୍ରାମବାସୀ

କଟକ ସଦର, ୧୧/୦୧/୨୦୨୪ (ଓଡ଼ିଶା ସମାଚାର /ବିଷ୍ଣୁ ବେହେରା): ଜଳ ସଂପଦ ଵିଭାଗ ହାତରୁ ଗ୍ରାମ ଉନ୍ନୟନ (ଆର୍ ଡି) ବିଭାଗ ଅଧିନକୁ ଯାଇଥିବା ସିଦ୍ଧେଶ୍ୱରପୁର-ପାରାଵିଲ୍ ୩ ନମ୍ବର ସି କେନାଲ ବନ୍ଧ ରାସ୍ତାର ନବୀକରଣ ପାଇଁ ଦୀର୍ଘ ଦିନ ହେଲା ଦାବି ହୋଇ ଆସୁଥିଲା ବେଳେ ଏଵେ ପ୍ରତୀକ୍ଷାର ଅନ୍ତ ଘଟିବାକୁ ଯାଉଛି। ଉକ୍ତ ରାସ୍ତାର ଉନ୍ନତିକରଣ ପାଇଁ ରାଜ୍ୟ ସରକାର ୩ କୋଟି ୯୪ ଲକ୍ଷ ୬୬ ହଜାର ମଂଜୁର କରିଥିବା ବେଳେ ଏଵେ ଏହି ପ୍ରକଳ୍ପ ଟେଣ୍ଡରକୁ ଯାଇଥିବା ଜଣାପଡିଛି। କଟକ ସଦର ବିଧାୟକ ଚନ୍ଦ୍ର ସାରଥି ବେହେରାଙ୍କ ଆନ୍ତରିକ ଉଦ୍ୟମ ଫଳରେ ଏହା ସମ୍ଭବ ହୋଇଥିବାରୁ ଗ୍ରାମବାସୀଙ୍କ ପକ୍ଷରୁ ପାରାଵିଲ୍ ଗ୍ରାମ କମିଟି ସଭାପତି ଧରଣୀଧର ବେହେରା, କାର୍ଯ୍ୟକାରୀ ସଭାପତି ଗୋକୁଳାନନ୍ଦ ବୈଶାଖ, ସାଧାରଣ ସଂପାଦକ ବରିଷ୍ଠ ସାମ୍ବାଦିକ ବିଷ୍ଣୁ ଚରଣ ବେହେରା, କୋଷାଧ୍ୟକ୍ଷ ଉମେଶ ଚନ୍ଦ୍ର ବାଡି, ରମେଶ ଚନ୍ଦ୍ର ସତପଥି ପ୍ରମୁଖ ବିଧାୟକଙ୍କୁ କୃତଜ୍ଞତା ଜଣାଇଛନ୍ତି। ସୂଚନାଯୋଗ୍ୟ ଯେ ଉକ୍ତ କେନାଲ ବନ୍ଧ ରାସ୍ତା ବାଲିକୁଦା ପର୍ଯ୍ୟନ୍ତ ହେବାକୁ ବିସ୍ତୃତ ପ୍ରକଳ୍ପ ରିପୋର୍ଟ (ଡିପିଆର) ପ୍ରସ୍ତୁତ ହୋଇଥିବା ବେଳେ ପାରାଵିଲ୍ ଓ ଵାଦୁଡା ଗ୍ରାମ ରାସ୍ତା ଏଥିରେ ସଂଲଗ୍ନ ଥିବା ଜଣାପଡିଛି  ।