ଫ୍ଲଡ଼ଲାଇଟ କ୍ରିକେଟ :ବାବା ରଘୁନାଥ ଦେବ ରାଇଜିଂ ଷ୍ଟାର ବିଜେତା  – –

ଟାଙ୍ଗୀ, ୦୭/୦୧/୨୦୨ ୪ (ଓଡ଼ିଶା ସମାଚାର)-ସ୍ଥାନୀୟ ବାବା ରଘୁନାଥ ଦେବ କ୍ରିକେଟ କ୍ଲବ ନରମାନବୀ, କୁଞ୍ଜୁରୀ ଖେଳ ପଡିଆ ଠାରେ ଚାଲିଥିବା ପ୍ରିମିୟରଲିଗ ଫ୍ଲଡଲାଇଟ କ୍ରିକେଟ ଅନୁଷ୍ଠିତ ହୋଇଯାଇଛି  ।ଏହି ମ୍ୟାଚଟି ବାବା ରଘୁନାଥ ଦେବ ରାଇଜିଂ ଷ୍ଟାର ଓ ଶୁଭ ଫ୍ଲାଷ ଫାୟାର ମଧ୍ୟରେ ଅନୁଷ୍ଠିତ ହୋଇଥିଲା  । ପ୍ରଥମେ ବାବା ରଘୁନାଥ ଦେବ ରାଇଜିଂ ଷ୍ଟାର ଟସଜିଣି ବ୍ୟାଟିଂର ନିଷ୍ପତି ନେଇ ନିର୍ଦ୍ଧାରିତ ୭ଓଭରରେ ୦୮ ଉଇକେଟ ବିନିମୟରେ ୬୧ରନ ସଂଗ୍ରହ କରିଥିଲା  । ଏହାର ଜବାବରେ ଶୁଭ ଫ୍ଲାଷ ଫାୟାର ଦଳ ନିର୍ଦ୍ଧାରିତ ଓଭରରେ ୨ ଉଇକେଟ ହରାଇ ମାତ୍ର ୫୩ରନ ସଂଗ୍ରହ କରିବାରେ ସକ୍ଷମ ହୋଇଥିଲା  । ଫଳରେ ବାବା ରଘୁନାଥ ଦେବ ରାଇଜିଂ ଷ୍ଟାର ଆଜିର ବିଜେତା ହୋଇଥିଲା  । ସତ୍ୟନାରାୟଣ , ରବୀନ୍ଦ୍ର ବେହେରା ଖେଳ ପରିଚାଳନା କରିଥିଲେ  । ଆୟୋଜିତ କାର୍ଯ୍ୟକ୍ରମରେ ବିଜୁ ଜନତା ଦଳର ରାଜ୍ୟ ମହିଳା ବରିଷ୍ଠ ଉପସଭାପତି, ବାସନ୍ତୀ ମହାପାତ୍ର ମୂଖ୍ୟଅତିଥି ଭାବେ ଯୋଗଦେଇ ଖେଳାଳୀ ମାନଙ୍କୁ ଉତ୍ସାହିତ କରିବା ସହ ଉଭୟ ବିଜେତା ଓ ଉପବିଜେତା ଦଳକୁ ଟ୍ରଫିସହ ନଗଦ ଅର୍ଥରାଶି ପ୍ରଦାନ କରିଥିଲେ  । ଏହି ଖେଳକୁ ଲିପୁ ବେହେରା, ତପନ ସ୍ୱାଇଁ, ତପନ ବେହେରା, ଭଗବାନ ମହାକୁଡ଼, ରଘୁନାଥ ସାମନ୍ତରାୟ ଏବଂ ପପୁ ବେହେରା ପ୍ରମୁଖ ନରମାନବୀ,କୁଞ୍ଜୁରୀ ପ୍ରିମିୟର ଲିଗର ସମସ୍ତ କର୍ମକର୍ତ୍ତା ଯୋଗ ଦେଇ ସହଯୋଗ କରିଥିଲେ  । ମ୍ୟାନ ଅଫ ଦି ମ୍ୟାଚ ପାଇଥିଲେ କଳାକାହ୍ନୁ ପରିଡା, ମ୍ୟାନ ଅଫ ଦି ସିରିଜ ପାଇଥିଲେ ଭଗବାନ ମହାକୁଡ଼  ।