ଗୋଳବାଇ ପ୍ରିମିୟର ଲିଗ ସିଜିନ ୦୨ କ୍ରିକେଟ ଟୁର୍ଣ୍ଣମେଣ୍ଟ :ମା’ ଭଗବତୀ ଇଲେଭେନ ଷ୍ଟାର ବିଜେତା

 ନିରାକାରପୁର , ୦୧/୦୧/୨୦୨୪ (ଓଡ଼ିଶା ସମାଚାର)-ସ୍ଥାନୀୟ  ଗୋଳବାଇ ପଞ୍ଚାୟତରେ ଦୀର୍ଘ ସପ୍ତାହଵ୍ୟାପୀ ଚାଲିଥିବା ଗୋଳବାଇ ପ୍ରିମିୟର ଲିଗ କ୍ରିକେଟ ଟୁର୍ନାମେଣ୍ଟର ଆଜି  ଫାଇନାଲ ମ୍ୟାଚ ଅନୁଷ୍ଠିତ  ହୋଇଯାଇଛି ।ଏହି ମ୍ୟାଚରେ ଭବାନୀ ଏକ୍ସଆଇ ଓ ମା’ ଭଗବତୀ ଇଲେଭେନ ଷ୍ଟାର ମଧ୍ୟରେ ଅନୁଷ୍ଠିତ ହୋଇଥିଲା । ପ୍ରଥମେ ଟସ ଜିତି ଭବାନୀ ଏକ୍ସଆଇ ଦଳ  ବ୍ୟାଟିଂର ନିଷ୍ପତି ନେଇ ନିର୍ଦ୍ଧାରିତ ୨୦ଓଭରରେ ୦୯ଉଇକେଟ ବିନିମୟ ରେ ୧୩୭ ରନ ସଂଗ୍ରହ କରିଥିଲା । ଏହାର ଜବାବରେ ମା’ ଭଗବତୀ ଇଲେଭେନ ଷ୍ଟାର ୧୭.3ବଲ ଖେଳି ୪ ଉଇକେଟ ବିନିମୟରେ ମାତ୍ର ୧୩୮ ରନ ସଂଗ୍ରହ କରିବାକୁ ସକ୍ଷମ ହୋଇପାରି ଥିଲେ । ଫଳରେ ମା’ ଭଗବତୀ ଇଲେଭେନ ଷ୍ଟାର ଦଳ ଚଳିତ ବର୍ଷର ବିଜେତା ହୋଇଛି ।  ମୁଖ୍ୟ ଅତିଥି ଭାବରେ ରାଜ୍ୟ ବିଜୁ ମହିଳା ଜନତା ଦଳର ବରିଷ୍ଠ ଉପସଭାପତି ବାସନ୍ତୀ ମହାପାତ୍ର ଯୋଗଦେଇ ଅଭିଭାଷଣ ଖେଳ ସୁନ୍ଦର ସ୍ୱାସ୍ଥ୍ୟ, ମାନସିକ ସ୍ଥିରତା, ଏକାଗ୍ରତା ଏବଂ ଭାଇଚାରା ଭାବସୃଷ୍ଟି କରିବାସହ ଖେଳ ଓ ଖେଳାଳୀ ମାନଙ୍କୁ ଉତ୍ସାହିତ କରିଥିଲେ । ପରେ ଅନୁଷ୍ଠାନ ପକ୍ଷରୁ ଉଭୟ ବିଜେତା ଓ ଉପବିଜେତା  ଦଳକୁ ଟ୍ରଫିସହ ନଗଦ ଅର୍ଥରାଶି ପ୍ରଦାନ  କରିଥିଲେ । ସହଯୋଗ କରିଥିଲେ ସନ୍ତୋଷ କୁମାର ଶ୍ରୀଚନ୍ଦନ(ସନ୍ତୁ ), ଗୌତମ ପ୍ରସାଦ ଦାସ, ଉମେଶ ଦାସ, ରଞ୍ଜିତ ବେହେରା ଏବଂ ଗୌରବ ପ୍ରସାଦ ଦାସ କମିଟିର ଅନ୍ୟାନ୍ୟ ସଦସ୍ୟମାନେ ଉପସ୍ଥିତ ରହି ଖେଳ ପରିଚାଳନା ରେ ସହଯୋଗ କରିଥିଲେ |କାହ୍ନୁ ଚରଣ ପରିଡା ଏବଂ ଅମିୟ ରଞ୍ଜନ ପଟ୍ଟନାୟକ ଖେଳକୁ ପରିଚାଳନା କରିଥିଲ । ମ୍ୟାନ ଅଫ ଦି ମ୍ୟାଚ, ମ୍ୟାନ ଅଫ ଦି ସିରିଜ ପିଣ୍ଟୁ କଳସ ଭାବେ  ସମ୍ବର୍ଦ୍ଧିତ କରାଯାଇଥିଲା  । ଟୁର୍ନାମେଣ୍ଟ ରେ ଉତ୍ତମ ପ୍ରଦର୍ଶନ କରିଥିବା ଗୌରବ ଏବଂ ବିଶ୍ୱଜିତ ଙ୍କୁ ମଧ୍ୟ ସମ୍ଭର୍ଦ୍ଧିତ କରାଯାଇଥିଲା  ।