କଟକ ଜିଲ୍ଲାର ୩ ଟି ବିଧାନସଭା ଆସନରେ ମହିଳାଙ୍କୁ ପ୍ରାର୍ଥୀ କରିବ ବିଜୁ ଜନତାଦଳ !

କଟକ ସଦର,୩୦/୧୨/୨୦୨୩ (ଓଡ଼ିଶା ସମାଚାର /ବିଷ୍ଣୁ ବେହେରା):ଗତ ସେପ୍ଟେମ୍ବର ମାସରେ ମହିଳା ସଂରକ୍ଷଣ ଵିଲ୍ ଉଭୟ ଲୋକସଭା ଓ ରାଜ୍ୟସଭାରେ ପାରିତ ହୋଇ ଆଇନରେ ପରିଣତ ହୋଇସାରିଛି। ହେଲେ ଏହି ଆଇନ୍ ୨୦୨୯ ରେ କାର୍ଯ୍ୟକାରୀ ହେଵ ଵୋଲି କୁହାଯାଇଥିବା ବେଳେ ଓଡ଼ିଶାରେ କିନ୍ତୁ ବିଜୁ ଜନତାଦଳ (ଵିଜେଡି) ପାଦେ ଆଗକୁ ଯାଇଁ ୨୦୨୪ ସାଧାରଣ ନିର୍ବାଚନରେ ମହିଳା କାର୍ଡ ଖେଳିବ ଵୋଲି କଳ୍ପନା ଜଳ୍ପନା ପ୍ରକାଶ ପାଇଛି। ଏହି ପରିପ୍ରେକ୍ଷୀରେ ରାଜ୍ୟରେ ୬୦ ରୁ ଉର୍ଦ୍ଧ୍ୱ ମହିଳାଙ୍କୁ ଵିଜେଡି ପ୍ରାର୍ଥୀ କରିବ ଵୋଲି ଚିନ୍ତା କରୁଥିବା ଵେଳେ କଟକ ଜିଲ୍ଲାର ୯ ଟି ଆସନରୁ ଅତି କମରେ ୩ ଟି ଓ ଅତି ବେଶୀରେ ୪ ଆସନରେ ମହିଳାଙ୍କୁ ପ୍ରାର୍ଥୀ କରିବ ଵୋଲି ନିର୍ଭରଯୋଗ୍ୟ ସୂତ୍ରରୁ ଜଣାପଡିଛି। ସୂଚନାଯୋଗ୍ୟ ଯେ କଟକ ସଦର, ନିଆଳି, ବାଙ୍କୀ, ଚୈ। ଦ୍ୱାର-କଟକ, ଟାଙ୍ଗୀ-ସାଲେପୁର, ମାହାଙ୍ଗା, ଆଠଗଡ଼, ବଡ଼ମ୍ବା ନରସିଂହପୁର‌ ଆସନରେ ଵିଜେଡିର ପୁରୁଷ ବିଧାୟକ ମାନେ ଏଵେ ଥିବା ବେଳେ ମାତ୍ର ଗୋଟିଏ ବାରବାଟି -କଟକ ଆସନ‌ରେ କଂଗ୍ରେସର ପୁରୁଷ‌‌ ବିଧାୟକ ଅଛନ୍ତି। ଏହା ଜଣାପଡିଵା ପରେ ଜିଲାରେ ଏଵେ ଛନକା ଦେଖା ଦେଇଛି ଵୋଲି ଚର୍ଚ୍ଚା ଜୋର ଧରିଛି।