କେନ୍ଦ୍ରାପଡ଼ା, ୧୩/୦୩/୨୦୨୫(ଓଡ଼ିଶା ସମାଚାର)-କେନ୍ଦ୍ରାପଡା ସ୍ୱୟଂ ଶାସିତ ମହାବିଦ୍ୟାଳୟର ବାଣିଜ୍ୟ ବିଭାଗ ପକ୍ଷରୁ ଉପଭୋକ୍ତା ସଚେତନତା ଅଭିଯାନ ଅନୁଷ୍ଠିତ ହୋଇଯାଇଛି । ଉପଭୋକ୍ତା ସୁରକ୍ଷା ଅଧିନିୟମ, ଉପଭୋକ୍ତା ଅଧିକାର, କର୍ତବ୍ୟ ଓ ଦାୟିତ୍ୱ ସମ୍ପର୍କରେ ଗ୍ରାମବାସୀଙ୍କୁ ସଚେତନ କରିବା ଏହି ଅଭିଯାନର ମୂଳ ଉଦେଶ୍ୟ ଥିଲା । ଛାତ୍ରଛାତ୍ରୀମାନେ ଉପଭୋକ୍ତା ସଚେତନତାକୁ ନେଇ ଗ୍ରାମବାସୀଙ୍କ ସମ୍ମୁଖରେ ଏକ ପଥପ୍ରାନ୍ତ ନାଟକ ପରିବେଷଣ କରିଥିଲେ । ଗ୍ରାମବାସୀମାନେ ଏହି ଅଭିଯାନକୁ ସ୍ୱାଗତ କରିବା ସହ ଛାତ୍ରଛାତ୍ରୀମାନଙ୍କ ଉଦ୍ୟମକୁ ପ୍ରସଂଶା କରିଥିଲେ ।
ସ୍ଥାନୀୟ ସରପଂଚ ବିଦୁ୍ୟତପ୍ରଭା ସେଠୀ ୱାର୍ଡସଦସ୍ୟ ନିର୍ମଳ ମହାନ୍ତି, ପର୍ଶୁରାମ ଜେନା, ଯୁବକସଂଘ ସଦସ୍ୟ ଭରତ ଚନ୍ଦ୍ର ଲେଙ୍କା ଏହି କାର୍ଯ୍ୟକ୍ରମକୁ ସହଯୋଗ କରିଥିଲେ । ଏହି ଅଭିଯାନ ମାଧ୍ୟମରେ ଗ୍ରାମବାସୀ ଉପଭୋକ୍ତା ସମ୍ପର୍କିତ ବହୁ ଗୁରୁତ୍ୱପୂର୍ଣ୍ଣ ତଥ୍ୟ ସହିତ ନିଜ ଅଧିକାର ବିଷୟରେ ଅବଗତ ହୋଇ ପାରିଥିଲେ ।
ଏହି ଉପଲକ୍ଷେ ବାଣିଜ୍ୟ ବିଭାଗ ମୁଖ୍ୟ ପ୍ରାଧ୍ୟାପକ ଭାରତଭୂଷଣ ସାହୁ, ଅଧ୍ୟାପିକା ୱାଇ. ପଦ୍ମାବତୀ, ଅଧ୍ୟାପକ ବିକାଶ କୁମାର ନାୟକ, ମନୋଜ ପ୍ରଧାନ, ଡ. ସୁରେଶ ଚନ୍ଦ୍ର ଦାସ, ରଞ୍ଜିତା ଗୋଡସରା, ଆର୍ଯ୍ୟସ୍ମିତା କର, ବାବୁଲା ବେହେରା, ଗିରିଶ କୁମାର ସାହୁଙ୍କ ନେତୃତ୍ୱରେ ମାର୍ଶାଘାଇ ବ୍ଲକ ଅନ୍ତର୍ଗତ ରଙ୍କାଳ ଗ୍ରାମରେ ଅନୁଷ୍ଠିତ ଉପଭୋକ୍ତା ସଚେତନତା ଅଭିଯାନର ଶୁଭାରମ୍ଭ କରାଯାଇଥିଲା । ଏଥିରେ ଛାତ୍ର ପ୍ରତିନିଧି ଗୋପିନାଥ ତ୍ରିପାଠୀ, ଆଶୁତୋଷ ସାହୁ, ମନୋଜ କୁମାର ଲେଙ୍କା, ରଶ୍ମୀଅଞ୍ଜନା ସାହୁ, ପି.ସି.ଶୁଭମଶେଖର ସାହୁ, ସତ୍ୟଜିତ ପ୍ରଧାନ ପ୍ରମୁଖ ଏହି ଅଭିଯାନକୁ ଅତ୍ୟନ୍ତ ସଫଳ ଭାବରେ ରୂପାୟନ କରିଥିଲେ ।
