ଭୁବନେଶ୍ୱର,୨୮/୦୨/୨୦୨୫ (ଓଡ଼ିଶା ସମାଚାର/ଦୀପ୍ତିରଂଜନ କାନୁନଗୋ)- ଆଜିର ସମୟରେ ମଣିଷ ପରିବର୍ତେ ରୋବୋଟ୍ ସାହାଯ୍ୟରେ ଅନେକ ପ୍ରକାରର କ୍ମୃସାଧ୍ୟ ଏବଂ ଦୁଃସାଧ୍ୟ କାର୍ଯ୍ୟ କରାଯାଇ ପାରୁଛି ଓ ମୁନଷ୍ୟର ନିରାପତାକୁ ମଧ୍ୟ ସୁନିଶ୍ଚିତ କରିପାରୁଛି ବୋଲି ଶ୍ରୀ ଶ୍ରୀ ବିଶ୍ୱବିଦ୍ୟାଳୟର ପ୍ରଫେସର ଡଃ ଜ୍ଞାନରଞ୍ଜନ ପାଣିଗ୍ରାହୀ କହିଛନ୍ତି ।
ଶୁକ୍ରବାର ରାଜଧାନୀ ମହାବିଦ୍ୟାଳୟ ଓ ଶ୍ରୀ ଶ୍ରୀ ବିଶ୍ୱବିଦ୍ୟାଳୟର ମିଳିତ ଉଦ୍ୟମରେ ବିବିଏ ଓ ବିସିଏ ବିଭାଗର ମୁଖ୍ୟ ସଂଯୋଜକ ନିହାର ରଞ୍ଜନ ମହାପାତ୍ରଙ୍କ ପୌରୋହିତ୍ୟରେ ଆୟୋଜିତ କନ୍ଫିଗରେବୁଲ୍ ରୋବୋଟିକ୍ ସମ୍ପର୍କିତ ଏକ କର୍ମଶାଳାରେ ଯୋଗଦେଇ ଡଃ ପାଣିଗ୍ରାହୀ ବିଜ୍ଞାନ ଓ ବୈଷୟିକ କ୍ଷେତ୍ରରେ କୃତି୍ରମ ବୁଦ୍ଧିମତା ପ୍ରୟୋଗ କରି ରୋବୋଟ୍ ସାହାଯ୍ୟରେ ଅଗ୍ରଣୀ ଦେଶଗୁଡ଼ିକ ଚିକିତ୍ସା କ୍ଷେତ୍ରରେ ମଧ୍ୟ ସଫଳତା ହାସଲ କରିସାରିଲେଣି ବୋଲି କହିଥିଲେ ।
ଏହି ଅବସରରେ ଦୁଇଟି ରୋବୋଟ୍ ପ୍ରଦର୍ଶନ କରି ଏହା ୭ ପ୍ରକାରର ଆକାର ନେଉଥିବା ଏବଂ ସେସବୁ କାର୍ଯ୍ୟକାରିତା ବର୍ଣ୍ଣନା କରିଥିଲେ । ଡଃ ପାଣିଗ୍ରାହୀଙ୍କ ବକ୍ତବ୍ୟ ଏବଂ ରୋବୋଟ୍ ପ୍ରଦର୍ଶନରେ ଲୋକେଶ ପାତ୍ର, ତନୁଶ୍ରୀ ଲେଙ୍କା, ଇଣ୍ଡିଜିବିଲ୍ ହରସିତ୍ ପ୍ରମୁଖ ସହଯୋଗ କରିଥିଲେ । ରାଜଧାନୀ ମହାବିଦ୍ୟାଳୟର ଅଧ୍ୟକ୍ଷ ଡଃ ସରୋଜକାନ୍ତ ଚୌଧୁରୀ ତାଙ୍କର ବକ୍ତବ୍ୟ ପ୍ରସଙ୍ଗରେ ରୋବୋଟ୍ ସମ୍ପର୍କିତ ଏକ ଚଳଚ୍ଚିତ୍ରର କାହାଣୀ ଅବତାରଣା କରିଥିଲେ ।
ଏସବୁ ସତ୍ୱେ ରୋବୋଟ୍ ମନୁଷ୍ୟର ପ୍ରତିବଦଳ ହୋଇପାରିବ ନାହିଁ ବୋଲି କହିଥିଲେ । ରାଜଧାନୀ ମହାବିଦ୍ୟାଳୟର ବିବିଏ ଓ ବିସିଏ ବିଭାଗର ମୁଖ୍ୟ ଟ୍ରଷ୍ଟି ମହେଶ ପଟ୍ଟନାୟକଙ୍କ ସମେତ ବିସିଏ ବିଭାଗର ମୁଖ୍ୟ ସୌମ୍ୟା ପଟ୍ଟନାୟକ, ଆସିଷ୍ଟାନ୍ଟ ପ୍ରଫେସର କୈବଲ୍ୟ କର, ପ୍ରଜ୍ଞା ପଦ୍ମଜା ପଣ୍ଡା, ମନୋଜ କୁମାର ମହାନ୍ତି ଏବଂ ମହାବିଦ୍ୟାଳୟର କର୍ମସଂସ୍ଥାନ ସଂଯୋଜକ ଡଃ ସୁବ୍ରତ ସାମଲଙ୍କ ସମେତ ଅନ୍ୟାନ୍ୟ ଛାତ୍ରଛାତ୍ରୀମାନେ ଅଂଶଗ୍ରହଣ କରିଥିଲେ । ଏହା ସହିତ ବିଭାଗର ଗଚ୍ଚମାଧ୍ୟମ ସଂଯୋଜକ ବିଶ୍ୱରଞ୍ଜନ ସାହୁ, ଯଶୋବନ୍ତ ଭୋଇ, ଅଜୟ କୁମାର ମାଣିଆ କାର୍ଯ୍ୟକ୍ରମର ସଫଳତା ଦିଗରେ ବୈଷୟିକ ସହାୟତା କରିଥିଲେ ।
