ଓଡ଼ିଶା ମିଡିଏଟର ମହାସଂଘ ର ନୂତନ କାର୍ଯ୍ୟାଳୟ

 ଯାଜପୁର,୨୨/୧୨/୨୦୨୩ (ଓଡ଼ିଶା ସମାଚାର)- ଓଡ଼ିଶା ମିଡିଏଟର୍‌ ମହାସଂଘ ଘଟସୂତ୍ର କାର୍ଯ୍ୟାଳୟର ଆନନ୍ଦପୁର ଶାଖା ପକ୍ଷରୁ ବୈଠକ ଅନୁଷ୍ଠିତ ହୋଇଯାଇଛି।  ସଂଘର ସଭାପତି ରବିନ୍ଦ୍ର ତ୍ରିପାଠୀଙ୍କ ସଭାପତିତ୍ୱ ଓ ସମ୍ପାଦକ ମିହିର ରାଉତଙ୍କ ସଂଯୋଜନାରେ ଆୟୋଜିତ ବୈଠକରେ କୃଷକ ସଂଗଠନର ସଭାପତି ତ୍ରିଲୋଚନ ପଣ୍ଡା ମୁଖ୍ୟ ଅତିଥି ଭାବେ ଯୋଗଦେଇ ସଂଘର ଆଭିମୁଖ୍ୟ, ଜନସାଧାରଣଙ୍କୁ ସମୟୋପଯୋଗୀ ସେବା, ଘଟସୂତ୍ର ମଧ୍ୟସ୍ଥିତାରେ ଉତ୍ତମ କାର୍ଯ୍ୟକ୍ରମ ସମ୍ପର୍କରେ ଆଲୋଚନା କରିଥିଲେ। କାର୍ଯ୍ୟକ୍ରମରେ ସଂଘର ବହୁ କର୍ମକର୍ତ୍ତା ଯୋଗଦେଇଥିବାବେଳେ ସଦସ୍ୟ ସୁବାଷ ରଥ, ନାରାୟଣ ସାହୁ, ଅନୀଲ ସାହୁ, ସବିତା ସାହୁ, ଦିବ୍ୟା ପ୍ରଧାନ, ବାବୁଲି ମହାନ୍ତି, ଅଜୟ ପଣ୍ଡା, ପ୍ରଦୀପ ସେଠୀ, ଅରୂପ କର, ପୂର୍ଣଚନ୍ଦ୍ର ନାୟକ, ସଂଗ୍ରାମ ଜେନା, ସୁକାନ୍ତ ସେଠୀ ପ୍ରମୁଖ ଉପସ୍ଥିତ ରହି ପରିଚାଳନାରେ ସ‌ହ‌ଯୋଗ କରିଥିଲେ।