ବିଜୁଜନତା ଦଳର ୨୮ତମ ପ୍ରତିଷ୍ଠା ଦିବସ

ଚାନ୍ଦୋଳ ,୨୬/୧୨/୨୦୨୪ (ଓଡ଼ିଶା ସମାଚାର)-ଆଜି ବିଜୁଜନତା ଦଳର ୨୮ତମ ପ୍ରତିଷ୍ଠା ଦିବସ ପାଟକୁରା ନିର୍ବାଚନ ମଣ୍ଡଳୀର ଚାନ୍ଦୋଳ ଠାରେ ଗରଦପୁର ବ୍ଲକ ଅଧ୍ୟକ୍ଷ ଅଭୟ କୁମାର ମହାରାଜ ଙ୍କ ସଭାପତିତ୍ବରେ ଅନୁଷ୍ଠିତ ହୋଇଯାଇଛି। ଏ‌ହି ଦିବସ ରେ ପାଟକୁରା ର ବିଧାୟକ ଶ୍ରୀଯୁକ୍ତ ଅରବିନ୍ଦ ମହାପାତ୍ର ମୁଖ୍ୟ ଅତିଥି ଭାବେ ଯୋଗଦେଇ ବିଜୁଜନତା ଦଳର ତଥା ମାନ୍ୟବର ପୂର୍ବତନ ମୁଖ୍ୟମନ୍ତ୍ରୀ ତଥା ବିଜୁଜନତା ଦଳର ସଭାପତି ଶ୍ରୀଯୁକ୍ତ ନବୀନ ପଟ୍ଟନାୟକଙ୍କୁ ଭୂୟସୀ ପ୍ରଶଂସା କରିବା ସହ ଦଳ ପ୍ରତିଷ୍ଠା ରେ ବିଜୟ ମହାପାତ୍ର ଙ୍କ ଭୂମିକା ଗୁରୁତ୍ୱପୂର୍ଣ୍ଣ ଥିଲା ବୋଲି ଉଦବୋଧନ ଦେଇଥିଲେ। ଅନ୍ୟାନ୍ୟ ଅତିଥି ମାନଙ୍କ ମଧ୍ୟରେ ପ୍ରମୋଦ ରଥ, ସତ୍ୟାନନ୍ଦ ରାଉତ, ଦିଲ୍ଲୀପ ସାହୁ, ବାସୁଦେବ ବେହେରା, ଶୈଳେନ୍ଦ୍ର ମହାନ୍ତି, ଅଶୋକ ଜେନା,ଅଭୟ ମଲ୍ଲ, ରାଜେନ୍ଦ୍ର ମଲ୍ଲିକ, ରମାକାନ୍ତ ବେହେରା,ବ୍ରଜକିଶୋର ସାହୁ, ସୁଦୀପ୍ତ ସାମଲ,ଦିଲ୍ଲୀପ ସେଠୀ,ପ୍ରତାପ ସ୍ବାଇଁ, ପ୍ରକାଶ ସାହୁ,ସୁଧିର ସାମଲ ,ସରଳରେଖା ସାହୁ, ଆଲୋକ ମାହାଳି ଙ୍କ ସମେତ ଡେରାବିଶ, ଗରଦପୁର ଓ ମାର୍ଶାଘାଇ ବ୍ଳକ ର ଶତାଧିକ ବିଜୁଜନତା ଦଳର କର୍ମୀ ସରପଞ୍ଚ, ସମିତି ସଭ୍ୟ, ଜିଲ୍ଲା ପରିଷଦ ଓ ମିଶନ ଶକ୍ତି ର ମହିଳା ଯୋଗ ଦେଇଥିଲେ। ଅତିଥି ମାନେ ନିଜ ଅଭିଭାଷଣରେ ବିଜୁଜନତା ଦଳ ସରକାର ର ଗୁଣଗାନ କରିବା ସହ ବର୍ତ୍ତମାନ ସରକାର ର ଅପାରଗତା କୁ ବଖାଣି ଥିଲେ।