ସମାଜ ଗଠନ ଦିଗରେ ଗଣ ମାଧ୍ୟମର ଭୂମିକା ଗୁରୁତ୍ବପୁର୍ଣ ।

ନୟାଗଡ଼,୧୭/୧୧/୨୦୨୪ (ଓଡ଼ିଶା ସମାଚାର)- ଜାତୀୟ ପ୍ରେସ୍ ଦିବସ ଅବସରରେ ଜିଲ୍ଲା ସୂଚନା ଓ ଲୋକସମ୍ପର୍କ ବିଭାଗ ଆନୁକୂଲ୍ୟରେ ବିଭାଗୀୟ ଜିଲ୍ଲା ଅଧିକାରୀ ସୁରେନ୍ଦ୍ର କୁମାର ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇ ଯାଇଛି । ଜିଲ୍ଲାପାଳଙ୍କ ସଦଭାବନା ସଭାଗୃହରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଜିଲ୍ଲାପାଳ ଅକ୍ଷୟ ସୁନିଲ ଅଗ୍ରୱାଲ ସଭାପତିତ୍ବ କରିଥିଲାବେଳେ ଅତିରିକ୍ତ ଜିଲ୍ଲାପାଳ ଦିଲୀପ କୁମାର ବଳଉପ – ଜିଲ୍ଲାପାଳ କର୍ଣଦେବ ସମାଦ୍ଧାର ପ୍ରମୁଖ ସମ୍ମାନିତ ଅତିଥିଭାବେ ଯୋଗଦେଇ ଆଜିର ମୁଖ୍ୟ ଆଲୋଚ୍ୟ ବିଷୟ “ ଗଣମାଧ୍ୟମର ପରିବର୍ତ୍ତନଶୀଳ ସୁରୁପ“ ସମ୍ପର୍କରେ ନିଜନିଜର ଉପାଦେୟ ବକ୍ତବ୍ୟ ପ୍ରଦାନ କରିଥିଲେ। ସଂପ୍ରତି ପରିବର୍ତ୍ତିତ ଗଣମାଧ୍ୟମ ଏବଂ ସମାଜ ଗଠନ ଦିଗରେ ଗଣମାଧ୍ୟମର ଗୁରୁତ୍ଵପୂର୍ଣ୍ଣ ଭୂମିକା ସମ୍ପର୍କରେ ମତବ୍ୟକ୍ତ କରିଥିଲେ।ଏଥିସହିତ ଗଣମାଧ୍ୟମ ସମାଜର ଅନ୍ୟ ସମସ୍ତ ସ୍ତମ୍ଭକୁ ଦିଗଦର୍ଶନ ଦେଇଥାଏ ବୋଲି ବିଭିନ୍ନ ଗଣମାଧ୍ୟମର ଉପସ୍ଥିତ ପ୍ରତିନିଧିମାନେ ନିଜର ବକ୍ତବ୍ୟ ପ୍ରଦାନ କରିଥିଲେ।