ଭୁବନ ରେ ମା’ କାଳୀ ଙ୍କ ଭସାଣି ଯାତ୍ରା 

ଭୁବନ, ୦୬/୧୧/୨୦୨୪ (ଓଡ଼ିଶା ସମାଚାର)- ଭୁବନ ସିନେମା ହଲ ଛକ ଓ କାଳୀ ବଜାର ରେ ଗତ ଗୁରୁବାର ରାତିରୁ ମା ‘ କାଳୀ ଙ୍କ ପୂଜା ଅନୁଷ୍ଠିତ ହେଉଥିବା ବେଳେ ଆଜି ସନ୍ଧ୍ୟାରେ ବାଜା ବାଣରେ ମା କାଳୀ ଙ୍କ ଭସାଣି ଯାତ୍ରା ଅନୁଷ୍ଠିତ ହେଉଛି । ମ୍ୟୁଜିକ ଗ୍ରୁପ୍ ,ଭାଙ୍ଗଡା ବାଜା ସାଙ୍ଗକୁ ଲଉଡି ବାଡି ଖେଳ  ଗହଣରେ ମା କାଳୀ ଙ୍କୁ ବିଦାୟ ଦେଉଛନ୍ତି । ସିନେମା ହଲ କାଳୀ ପୂଜା କମିଟି ସଭାପତି ସନ୍ତୋଷ କୁମାର ପୋଥାଳ ଙ୍କ ତତ୍ତ୍ଵାବଧାନରେ ରବି ନାରାୟଣ ସାହୁ,ଧନେଶ୍ଵର ଦାସ,ସନାତନ ପାତ୍ର,ଅଜିତ ନନ୍ଦୀ, ଟିଟୁ ଦାସ, ଲୋକନାଥ ପାତ୍ର,ସମରସେନ୍ ନାୟକ,ଗୋପାଳ ନାୟକ,ପର୍ଶୁରାମ ପୋଥାଳ,ସଦାନନ୍ଦ ନାୟକ,ମନୋଜ ପୋଥାଳ ପ୍ରମୁଖ ଭସାଣି ଯାତ୍ରା ରେ ସକ୍ରିୟ ଅଂଶ ଗ୍ରହଣ କରିଛନ୍ତି । ଅନୁରୂପ ଭାବେ କାଳୀ ବଜାର ବଣିକ ସଂଘ ସଭାପତି ସମୀର କୁମାର ସାହୁ ଙ୍କ ନେତୃତ୍ୱରେ ବଣିକ ସଂଘ କର୍ମକର୍ତ୍ତା ଓ ବ୍ୟବସାୟୀ ଭାଇ ମାନେ ଭସାଣି ଯାତ୍ରା ରେ ସାମିଲ ହୋଇଛନ୍ତି ।