ପେଟ୍ରୋଲ ଢାଳି ବୃଦ୍ଧ ଙ୍କୁ ଜାଳି ଦେବାକୁ ଉଦ୍ୟମ, ବୃଦ୍ଧ ଗୁରୁତର

ନିଶ୍ଚିନ୍ତକୋଇଲି,୧୨/୧୦/୨୦୨୪ (ଓଡିଶା ସମାଚାର /ଅଭୟ ଜେନା ) -କଟକ ଜିଲ୍ଲା ନେମାଳ ଥାନା ଅନ୍ତର୍ଗତ କଳମିଶ୍ରି ପଞ୍ଚାୟତ ଲେଣ୍ଡୁରା ଭଗବାନପୁର ଦଳିତ ସାହି ର ୭୫ ବର୍ଷୀୟ ଝୁଲିଆ ଭୋଇ ଶୁକ୍ରବାର ରାତିରେ ନିଜ ଘରେ ଶୋଇଥିବା ଅବସ୍ଥାରେ ବିଳମ୍ବିତ ରାତିରେ କେହି ତାଙ୍କ ଉପରେ ପେଟ୍ରୋଲ ଢାଳି ନିଆଁ ଲଗାଇ ଦେଇଥିବା କଥା ଅଭିଯୋଗ ହୋଇଛି । ଝୁଲିଆ ଙ୍କୁ ପ୍ରଥମେ ନିଶ୍ଚିନ୍ତକୋଇଲି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର କୁ ଚିକିତ୍ସା ପାଇଁ ନିଆଯାଇଥିଲା । ଅବସ୍ଥା ଗୁରୁତର ହେବାରୁ ତାଙ୍କୁ କଟକ ସ୍ଥାନାନ୍ତର କରାଯାଇଛି । ନେମାଳ ଥାନା ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଜାରି ରଖିଛି । ଖବର ଅନୁଯାଇ ଉକ୍ତ ଗ୍ରାମର ଜନୈକ ଯୁବକ ସହ ପୂର୍ବ ଶତ୍ରୁତା ରହିଥିଲା । ଏଥିନେଇ ଥାନାରେ ମଧ୍ୟ ଅଭିଯୋଗ ହୋଇଥିଲା । ମାତ୍ର ଶୁକ୍ରବାର ପୁନର୍ବାର ଧମଚମକ ଦେଇଥିବା ସହ ବୃଦ୍ଧ ଝୁଲିଆ ଶୋଇଥିବା ବେଳେ କେହି ତାଙ୍କ ଉପରେ ପେଟ୍ରୋଲ ଢାଳି ନିଆଁ ଲଗାଇ ମାରିଦେବାକୁ ଉଦ୍ୟମ କରିଥିବା ପରିବାର ଲୋକେ ଅଭିଯୋଗ କରିଛନ୍ତି । ଏହି ଘଟଣାରେ ପୋଲିସ ଜଣେ ଯୁବକ କୁ ଥାନାକୁ ନେଇ ପଚରା ଉଚୁରା କରୁଛି ।