ବାଣପୁର,୧୧/୧୦/୨୦୨୪ (ଓଡ଼ିଶା ସମାଚାର/ ଅମିତାଭ ପାଟଯୋଶୀ)- ନାଚୁଣୀ ଥାନା ଅନ୍ତର୍ଗତ ଗମ୍ଭାରୀମୁଣ୍ଡା ଅଞ୍ଚଳରେ ରେ ଘଟିଛି ଏକ ଲଜ୍ୟା ଜନକ ଘଟଣା । ଜଣେ ସପ୍ତମ ଶ୍ରେଣୀର ନା ବାଳିକା ଛାତ୍ରୀକୁ ସ୍କୁଲ ଗୃହରେ ଦୁଷ୍କର୍ମ କରିଛି ଟିଉସନ ମାଷ୍ଟର । ଏନେଇ ପୀଡିତା ଙ୍କ ମା ନାଚୁଣୀ ଥାନା ଅନ୍ତର୍ଗତ ଗମ୍ଭାରୀମୁଣ୍ଡା ବିଟ ହାଉସ ରେ ଲିଖିତ ଅଭିଯୋଗ କରିଛନ୍ତି । ପୋଲିସ ଅଭିଯୋଗ ପାଇ ୩୨୭/୨୪ ଏକ ମାମଲା ରୁଜୁକରି ତଦନ୍ତ ଆରମ୍ଭ କରିଛି । ଅଭିଯୁକ୍ତ ଜଣକ ହେଲେ ତୋଟା ଗ୍ରାମର କଲେଜ ଛାତ୍ର ଲିଙ୍ଗରାଜ ମୁଦୁଲି, ବୟସ ୧୯ ବର୍ଷ । ବର୍ତମାନ ଅଭିଯୁକ୍ତ କୁ ଅଟକ ରଖି ପୋଲିସ ତଦନ୍ତ ଚଲାଇଛି । ପୀଡିତା ର ମା ଙ୍କ ଅଭିଯୋଗ କ୍ରମେ, ଅଭିଯୁକ୍ତ ପାଖରେ ସ୍କୁଲ ଘରର ଚାବି ରହୁଥିବାରୁ ପ୍ରଶ୍ନପତ୍ର ଦେଖାଇବା ପାଇଁ ଚଳିତ ମାସ ୫ ତାରିଖ ସନ୍ଧ୍ୟା ପ୍ରାୟ ୭ ଘଣ୍ଟିକା ସମୟ ରେ ତୋଟା ଗ୍ରାମର ପ୍ରାଥମିକ ବିଦ୍ୟାଳୟ ପରିସର କୁ କିଛି ପିଲାମାନଙ୍କୁ ଡ଼ାକିନେଇଥିଲା ଅଭିଯୁକ୍ତ । ପରେ ରୋଷେଇ ଗୃହକୁ ପୀଡିତା କୁ ଡାକି ନେଇ କବାଟ ବନ୍ଦ କରି ଦୁଷ୍କର୍ମ କରିଥିଲା ଟିଉସନ ଶିକ୍ଷକ ଲିଙ୍ଗରାଜ ମୁଦୁଲି । ଏ ସମ୍ପର୍କ ରେ କାହାକୁ କହିଲେ ଉପସ୍ଥିତ ଥିବା ସମସ୍ତ ଛାତ୍ର ମାନଙ୍କୁ ମାରିଦେବାକୁ ଧମକ ଦେଇଥିଲା ଅଭିଯୁକ୍ତ ଶିକ୍ଷକ କ୍ଷ ପରେ ପୀଡିତା ଟିଉସନ ନ ଯିବାପାଇଁ ଘର ଲୋକଙ୍କୁ ମନା କରିଥିଲା । ଫଳରେ ଘର ଲୋକେ ପୀଡିତା କୁ ପଚାରିବାରୁ ପୀଡିତା ସବୁ କଥା ଘରେ କହିଥିଲା । ଘର ଲୋକେ ଟିଉସନ ଶିକ୍ଷକ କୁ ଏହି ବିଷୟ ରେ ପଚାରିବାରୁ ପ୍ରଥମେ ମନା କରିଥିଲା, ପରେ ପୀଡିତା କୁ ଦୁଷ୍କର୍ମ କରିଥିବା ମାନି ନେଇଥିଲା । ଏନେଇ ଗମ୍ଭାରୀମୁଣ୍ଡା ବିଟ ହାଉସ ରେ ଲିଖିତ ଅଭିଯୋଗ ପରେ ଏକ ମାମଲା ରୁଜୁ କରି ତଦନ୍ତ ଚଲାଇଛି ନାଚୁଣୀ ଥାନା ପୋଲିସ ।
