ଭୁବନେଶ୍ୱର, ୧୬/୯/୨୦୨୪ (ଓଡ଼ିଶା ସମାଚାର)- ରାଜଧାନୀ ଭୁବନେଶ୍ୱରରେ ବେପରୁଆ ଡ୍ରାଇଭିଂ କରିବା ୫ ଜଣଙ୍କୁ ଗିରଫ କରିବା ସହିତ ୨ଟି ଗାଡ଼ି ମଧ୍ୟ ଜବତ କରିଛି କମିଶନରେଟ ପୋଲିସ । ଅଭିଯୁକ୍ତମାନେ ରାସ୍ତାରେ ବେପରୁଆ ଭାବେ ୪ଟି କାର୍ ଚଳାଇ ଆତଙ୍କ ଖେଳାଇଥିଲେ । 
ଗୋଟିଏ କାର୍ ଫୁଟ୍ପାଥ୍ କୁ ମାଡ଼ିଯାଇ ଚାଲୁଥିବା ଭିଡିଓ ଭାଇରାଲ୍ ହୋଇଥିଲା। ଅଭିଯୁକ୍ତମାନେ ବେପରୁଆ ଗାଡି ଚଳାଇ ଦୁର୍ଘଟଣା ମଧ୍ୟ ଘଟାଇଥିବା କୁହାଯାଉଛି। ସତ୍ୟନଗର ବିଏମସି ଅଫିସ ସମ୍ମୁଖରୁ ରୂପାଲି ଛକ ମଧ୍ୟରେ ଅଭିଯୁକ୍ତମାନଙ୍କର ବେପରୁଆ ଗାଡି ଚାଳନା ରେକର୍ଡ ହୋଇଥିବା ବେଳେ ସୋସିଆଲ ମିଡିଆରେ ଭାଇରାଲ ହୋଇଥିଲା। ଘଟଣା କମିସନରେଟ ପୋଲିସ ନଜରକୁ ଆସିବା ପରେ ତୁରନ୍ତ କାର୍ଯ୍ୟାନୁଷ୍ଠାନ ନେଇ ସ୍ପେସିଆଲ ସ୍କ୍ୱାଡ଼ ଏବଂ ଲକ୍ଷ୍ମୀସାଗର ପୋଲିସ ୫ ଜଣଙ୍କୁ ଗିରଫ କରିବା ସହିତ ୨ଟି ଗାଡ଼ି ଜବତ କରିଛି।
ବେପରୁଆ ଗାଡି ଚାଳନା କରିଥିବା ୫ ଜଣଙ୍କୁ ଗିରଫ କଲା କମିସନରେଟ ପୋଲିସ
