ଭୁବନେଶ୍ୱର,୨୬/୮/୨୦୨୪ (ଓଡ଼ିଶା ସମାଚାର)-ଓଡ଼ିଶାର ବିଭିନ୍ନ ସ୍ଥାନରେ ବାର୍ଡ ଫ୍ଲୁ ବ୍ୟାପୁଥିବାରୁ ସତର୍କତାମୂଳକ ପଦକ୍ଷେପ ଭାବରେ ସାଧାରଣ ଲୋକେ କିଛିଦିନ ଚିକେନ ଖାଇବାରୁ କ୍ଷାନ୍ତ ରହିବାକୁ ରାଜ୍ୟ ସ୍ୱାସ୍ଥ୍ୟ ନିର୍ଦ୍ଦେଶକ ଡାକ୍ତର ବିଜୟ କୁମାର ମହାପାତ୍ର ପରାମର୍ଶ ଦେଇଛନ୍ତି ।
ରାଜ୍ୟର ବିଭିନ୍ନ ଜିଲାକୁ ସଚେତନ କରାଯାଇଛି ଏବଂ ଆବଶ୍ୟକ ସତର୍କତା ଅବଲମ୍ବନ କରିବାକୁ ପରାମର୍ଶ ଦିଆଯାଇଛି। ମହାପାତ୍ର ସ୍ପଷ୍ଟ କରିଛନ୍ତି ଯେ ଜ୍ୱର ହେଉଛି ପକ୍ଷୀ ଫ୍ଲୁ ସଂକ୍ରମଣର ପ୍ରଥମ ଲକ୍ଷଣ ଏବଂ ସମସ୍ତ ଜିଲାରେ ଜ୍ୱର ଉପରେ ନଜର ରଖାଯାଉଛି। ତେବେ ରାଜ୍ୟରେ ବାର୍ଡ ଫ୍ଲୁ ବ୍ୟାପିବା ପରେ ପିପିଲିକୁ ଏକ ହଟସ୍ପଟ୍ ବୋଲି ଚିହ୍ନଟ କରାଯାଇଛି। ଫଳସ୍ୱରୂପ, ଏହି ଅଞ୍ଚଳକୁ ଏକ ରାପିଡ୍ ରେସପନ୍ସ ଟିମ୍ ପଠାଯାଇଛି। ଭାଇରସ ବିସ୍ତାରକୁ ରୋକିବା ପାଇଁ ଯେଉଁ ଏରିଆରୁ ବାର୍ଡ ଫ୍ଲୁ ବାହାରିଛି, ସେ ଅଞ୍ଚଳକୁ କଣ୍ଟେନମେଣ୍ଟ କରିଦିଆଯାଉଛି ବୋଲି କହିଛନ୍ତି।
ଏହି ରୋଗର ବିସ୍ତାରକୁ ରୋକିବା ପାଇଁ ସଂକ୍ରମିତ କୁକୁଡ଼ାମାନଙ୍କୁ ତୁରନ୍ତ ମାରିଦେବା ସହିତ ସେଗୁଡିକୁ ପୋତିଦେବା ଉପରେ ସେ ଗୁରୁତ୍ୱାରୋପ କରିଥିଲେ। ପରିସ୍ଥିତିକୁ ତୀକ୍ଷ୍ଣ ନଜର ରଖିବା ପାଇଁ ଜନସ୍ୱାସ୍ଥ୍ୟ ୟୁନିଟ୍ ଦ୍ୱାରା ପ୍ରତିଦିନ ତଥ୍ୟ ସଂଗ୍ରହ କରାଯାଉଥିବା ସେ ଉଲ୍ଲେଖ କରିଛନ୍ତି। ପିପିଲି ଏହି ମାମଲମର କେନ୍ଦ୍ରବିନ୍ଦୁ ପାଲଟିଥିବାବେଳେ ବ୍ୟାପକ ନିରାକରଣ ପଦକ୍ଷେପ ନିଶ୍ଚିତ କରିବାକୁ ସ୍ୱାସ୍ଥ୍ୟ କର୍ତ୍ତୃପକ୍ଷ ଅନ୍ୟାନ୍ୟ କ୍ଷେତ୍ରରେ ମଧ୍ୟ ତୀକ୍ଷ୍ଣ ନଜର ରଖିଛନ୍ତି। ସଂକ୍ରମଣର ବିପଦକୁ କମ୍ କରିବା ପାଇଁ ସ୍ୱାସ୍ଥ୍ୟ ନିର୍ଦ୍ଦେଶକ ଡାକ୍ତର ମହାପାତ୍ର ସଂକ୍ରମିତ କୁକୁରମାନଙ୍କ ସହିତ ମନୁଷ୍ୟର ସମ୍ପର୍କ ବିରୁଧରେ ଚେତାବନୀ ଦିଆଯାଇଛି।
ସେ ଏହା ମଧ୍ୟ ପରାମର୍ଶ ଦେଇ କହିଛନ୍ତି ଯେ ଏହା ଏକ ଭାଇରାଲ୍ ସଂକ୍ରମଣ ହୋଇଥିବାରୁ ଆମର ପ୍ରାଥମିକ ଧ୍ୟାନ ନୀରିକ୍ଷଣ ମାଧ୍ୟମରେ ଚିହ୍ନଟ ଉପରେ ରହିଛି। କୁକୁଡ଼ା ଫାର୍ମରେ କାର୍ଯ୍ୟ କରୁଥିବା ବ୍ୟକ୍ତିମାନେ ସଜାଗ ରହିବା ଆବଶ୍ୟକ । ବ୍ୟକ୍ତିଗତ ସ୍ୱଚ୍ଛତା ରକ୍ଷା କରିବା, ମାସ୍କ ପିନ୍ଧିବା ଏବଂ ସଂକ୍ରମଣର ଉତ୍ସ ସହିତ ଯୋଗାଯୋଗରୁ ଦୂରେଇ ରହିବା ଆବଶ୍ୟକ। ଏହି ଘଟଣାକୁ ଦୃଷ୍ଟିରେ ରଖି ଖୁବଶୀଘ୍ର ପ୍ରାଣୀ ଚିକିତ୍ସା ବିଭାଗ ଦ୍ୱାରା ଏକ ପରାମର୍ଶ ଜାରି କରାଯିବ ବୋଲି ସ୍ୱାସ୍ଥ୍ୟ ନିର୍ଦ୍ଦେଶକ ଡାକ୍ତର ମହପାତ୍ର କହିଛନ୍ତି। ତେବେ ଏହି ଘଟଣାକୁ ନେଇ ଅଧିକ ଆତଙ୍କିତ ହେବାର କୌଣସି ଆବଶ୍ୟକତା ନ ଥିବା ସେ କହିଛନ୍ତି।
