ପ୍ରଫେସର ଭୀମସେନ ମିଶ୍ର ଟ୍ରଷ୍ଟର ଆର୍ଥିକ ସହାୟତା 

ନିରାକାରପୁର, ୦୨/୧୨/୨୦୨୩ (ଓଡ଼ିଶା ସମାଚାର)-ଭୁତପୂର୍ବ ଅଧ୍ୟକ୍ଷ ପ୍ରଫେସର ଭୀମସେନ ମିଶ୍ର, ଇଂରାଜୀ ଭାଷା ସାହିତ୍ୟର ଧୂରୀଣ, ଛାତ୍ରବତ୍ସଳ ଅଧ୍ୟାପକଙ୍କ ନାମରେ ପ୍ରତିଷ୍ଠିତ ପ୍ରଫେସର ଭୀମସେନ ମିଶ୍ର ଚାରିଟେବଲ ଟ୍ରଷ୍ଟ ତରଫରୁ ପ୍ରତିବର୍ଷ ପରି ଏ ବର୍ଷ ମଧ୍ୟ ମେଧାବୀ, ଆର୍ଥିକ ଅନଗ୍ରସର ଛାତ୍ରଛାତ୍ରୀମାନଙ୍କୁ ଆର୍ଥିକ ସହାୟତା ଯୋଗାଇ ଦିଆଯାଇଛି । କ୍ଷେତ୍ରବାସୀ ଏକାଡେମୀରୁ ମାଟ୍ରିକ ପରୀକ୍ଷାରେ ସର୍ବୋଚ୍ଚ ନମ୍ବର ରଖି ଉତୀର୍ଣ୍ଣ ହୋଇଥିବା ଶ୍ରୀମାନ ଯଶୋବନ୍ତ ପ୍ରଧାନ ଏବଂ ବୀରତୋଈ ମାଧ୍ୟମିକ ବିଦ୍ୟାଳୟରେ ଅଧ୍ୟୟନରତ ଛାତ୍ର ଶ୍ରୀମାନ ସୌମ୍ୟଜିତ ମିଶ୍ରଙ୍କୁ ଯଥାକ୍ରମେ ୫ହଜାର ଏବଂ ୧୦ ହଜାର ଟଙ୍କା ପ୍ରଦାନ କରାଯାଇଛି । ଟ୍ରଷ୍ଟି ଆରତୀ ମିଶ୍ର ଏବଂ ସଦସ୍ୟ ଭୀମସେନ ମିଶ୍ର, ଅମୁଲ୍ୟରତ୍ନ ମିଶ୍ର, ମୃତ୍ୟୁଞ୍ଜୟ ରଥ ତଥା ପ୍ରାଣେଶ୍ୱର ଜୟସିଂ ଏହି କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ ।