ଯାଜପୁର ଜିଲ୍ଲାସ୍ତରୀୟ ଯୁବ ଉତ୍ସବ ଡିସେମ୍ବର ୧୩ ରେ

ଯାଜପୁର,୦୮/୧୨/୨୦୨୪ (ଓଡ଼ିଶା ସମାଚାର)-ଯାଜପୁର ଜିଲ୍ଲା ପ୍ରଶାସନ ଓ ଜିଲ୍ଲା ସଂସ୍କୃତି ବିଭାଗ ଆନୁକୂଲ୍ୟରେ ଜିଲ୍ଲାସ୍ତରୀୟ ଯୁବ ଉତ୍ସବ ଚଳିତ ଡିସେମ୍ବର ୧୩ ତାରିଖରେ ଗୌତମ ବୁଦ୍ଧ ସଂସ୍କୃତି ଭବନ ଏଵଂ ଜିଲ୍ଲା ସ୍କୁଲ୍, ଯାଜପୁର ପ୍ରାଙ୍ଗଣରେ ଅନୁଷ୍ଠିତ ହେବାକୁ ଯାଉଛି। ଏହି ଯୁବ ଉତ୍ସବର ବିଭିନ୍ନ ପ୍ରତିଯୋଗିତାରେ ଜିଲ୍ଲାର ୧୫ ରୁ ୨୯ ବର୍ଷୀୟ(୧୨ ଜାନୁୟାରୀ ୨୦୨୫ ସୁଧା) ଯୁବକ ଯୁବତୀ ଅଂଶ ଗ୍ରହଣ କରିପାରିବେ। ଏହି ଉତ୍ସବରେ ବିଭିନ୍ନ ପ୍ରତିଯୋଗିତା ତଥା ଲୋକ ନୃତ୍ୟ, ଲୋକ ଗୀତ, କବିତା ଲିଖନ, ଗଳ୍ପ ଲିଖନ, ଚିତ୍ରାଙ୍କନ, ଔପଚାରିକ ବକ୍ତୃତା ପ୍ରତିଯୋଗିତା ତା.୧୩.୧୨.୨୦୨୪ ରିଖ ରେ ଅନୁଷ୍ଠିତ ହେବ।ଜିଲ୍ଲାସ୍ତରୀୟ ଏହି ପ୍ରତିଯୋଗିତା ର କୃତ୍ତି ପ୍ରତିଯୋଗୀମାନେ ଡିସେମ୍ବର ୧୮ ତାରିଖରେ ଭୁବନେଶ୍ଵର ଠାରେ ହେବାକୁ ଥିବା ରାଜ୍ୟସ୍ତରୀୟ ପ୍ରତିଯୋଗିତାରେ ଅଂଶ ଗ୍ରହଣ କରିପାରିବେ।
ଏହି ବର୍ଗରେ ଜିଲ୍ଲାର ଯୁବକ ଯୁବତୀ ମାନଙ୍କୁ ଉକ୍ତ ପ୍ରତିଯୋଗିତା ଗୁଡ଼ିକରେ ଅଂଶ ଗ୍ରହଣ କରିବାକୁ ଯାଜପୁର ଜିଲ୍ଲା ପ୍ରଶାସନ ପକ୍ଷରୁ ଅନୁରୋଧ କରାଯାଇଅଛି। ପ୍ରତିଯୋଗିତାରେ ଅଂଶ ଗ୍ରହଣ କରିବା ପାଇଁ ସଂସ୍କୃତି ବିଭାଗର ଦୂରାଭାଷ ନଂ -୮୨୪୯୭୮୮୨୦୧ ରେ ଯୋଗାଯୋଗ କରିବାକୁ ଅନୁରୋଧ କରାଯାଇଅଛି।