ବଜ୍ରପାତ ରେ ଚାଷୀ ମୃତ

ନାରାୟଣ ପାଟଣା,୧୭/୬/୨୦୨୪(ଓଡ଼ିଶା ସମାଚାର)-କୋରାପୁଟ ଜିଲ୍ଲା ନାରାୟଣ ପାଟଣା ବ୍ଲକରେ ଆଜି ଏକ ଅଘଟଣ ଘଟି ଯାଇଛି। ବିଜୁଳି ମାଡ଼ରେ ଜଣେ ଚାଷୀଙ୍କର ମୃତ୍ୟୁ ଘଟିଛି। ଚାଷୀ ଜଣକ ହେଲେ ସଲପଗୁଡା ଗ୍ରାମର ଶିବ ମାଣ୍ଡିଙ୍ଗି (୩୫)।ସିଏ ଆଜି ସକାଳେ ତାଙ୍କ ଜମିରେ ଚାଷ କରୁଥିବା ବେଳେ ହଠାତ୍ ବଡ ଜୋରରେ ବର୍ଷା ପବନ ହେବା ସହ ବିଜୁଳି ମାରିଥିଲା।ସିଏ ଚାଷ କରୁଥିବା ସମୟରେ ତାଙ୍କ ଉପରେ ବଜ୍ରପାତ ହେବାରୁ ସେଠାରେ ହିଁ ତାଙ୍କର ମୃତ୍ୟୁ ଘଟିଥିଲା।ଖବର ପାଇ ପରିବାର ଲୋକେ ଘଟଣାସ୍ଥଳରେ ପହଞ୍ଚି ପୋଲିସକୁ ଖବର ଦେଇଥିଲେ। ପରେ ଥାନାରେ ଏକ ଲିଖିତ ଅଭିଯୋଗ କରିବା ପରେ ତାଙ୍କ ମୃତ ଦେହକୁ ନାରାୟଣପାଟଣା ସ୍ବାସ୍ଥ୍ୟ କେନ୍ଦ୍ରରେ ବ୍ୟବଚ୍ଛେଦ କରାଯାଇଥିଲା।ଏନେଇ ଥାନାରେ ଏକ ଅପମୃତ୍ୟୁ ମାମଲା ରୁଜୁ କରାଯାଇଥିବା ପୋଲିସ କହିଛି। ମୃତ ଚାଷୀଙ୍କ ର ତିନୋଟି ସନ୍ତାନ ଥିବା ବେଳେ ସରକାରୀ ସାହାଯ୍ୟ ଯୋଗାଇ ଦେବାକୁ ଗ୍ରାମବାସୀ କହିଛନ୍ତି।