କୁଖ୍ୟାତ ଅପରାଧୀ ସୁବାଷ ଖୁଣ୍ଟିଆକୁ ଏନକାଉଣ୍ଟର

ଢେଙ୍କାନାଳ ୨୯/୦୪/୨୦୨୪ (ଓଡ଼ିଶା ସମାଚାର)- ଢେଙ୍କାନାଳ ଜିଲା କାମାକ୍ଷାନଗର ପୁଲିସ୍ କୁଖ୍ୟାତ ଅପରାଧୀ ସୁବାଷ ଖୁଣ୍ଟିଆକୁ ଏନକାଉଣ୍ଟର କରିଛି । ନିକଟସ୍ଥ ଖୁଣ୍ଟାପୋଷି ଜଙ୍ଗଲରେ ପିଛା କରି କିଙ୍ଗ ଅଫ୍ ଫରେଷ୍ଟ ଗ୍ୟାଙ୍ଗର ସୁବାଷ ଖୁଣ୍ଟିଆକୁ ପୋଲିସ ଏନକାଉଣ୍ଟର କରିଛି । ସୁବାଷର ଗୋଡରେ ଗୁଳି ବାଜିଥିବାବେଳେ ତାକୁ ଗୁରୁତର ଆହତ ଅବସ୍ଥାରେ କଟକ ବଡ଼ ମେଡିକାଲ ସ୍ଥାନାନ୍ତର କରାଯାଇଛି। ଆଜି ଭୋର ପ୍ରାୟ ୪ ଟାରେ ଖୁଣ୍ଟାପଶି-ଗୁଣ୍ଡିଚାନାଳୀ ଜଙ୍ଗଲରେ ପୁଲିସ୍ ଚଢ଼ାଉ କରିଥିଲା। ସୁବାସ ଓ ତାର ସହଯୋଗୀ ପୁଲିସକୁ ଦେଖି ପୁଲିସ ଉପରକୁ ବୋମା ପକାଇବା ସହ ଓ ଗୁଳି ଚଳାଇଥିଲେ। ପୁଲିସ୍ ଆତ୍ମରକ୍ଷା ପାଇଁ ପାଲଟା ଗୁଳି ଚଳାଇଥିଲା। ଫଳରେ ସୁବାଷର ଡାହାଣ ଗୋଡରେ ଗୁଳି ବାଜି ଗୁରୁତର ଆହତ ହୋଇପଡିଥିଲା। ସୁବାଷ ନାଁରେ ଢେଙ୍କାନାଳର ବିଭିନ୍ନ ଥାନାରେ ୨ଟି ହତ୍ୟା ସହ ୧୮ଟି ମାମଲା ରହିଥିବା ସୂଚନା ମିଳିଛି। ତାର ସହଯୋଗୀ ପୋଲିସକୁ ଚକମା ଦେଇ ଖସି ଯିବାରେ ସକ୍ଷମ ହୋଇଛନ୍ତି ।