ଡ. ଅଚୁ୍ୟତ ସାମନ୍ତଙ୍କୁ ସମ୍ବର୍ଦ୍ଧନା

ଭୁବନେଶ୍ୱର, ୩୧/୦୩/୨୦୨୪ (ଓଡ଼ିଶା ସମାଚାର)-ବିଶ୍ୱର ପ୍ରଥମ ଜନଜାତି ବିଶ୍ୱବିଦ୍ୟାଳୟ ‘କିସ୍’କୁ ନାକ୍ ପକ୍ଷରୁ ‘ଏ’ ଗ୍ରେଡ୍ ମାନ୍ୟତା ପ୍ରଦାନ କରାଯାଇଛି । କିସ୍ ପ୍ରଥମ ଥର ପାଇଁ ‘ଏ’ ଗ୍ରେଡ୍ ମାନ୍ୟତା ହାସଲ କରିବାର ଗୌରବ ଅର୍ଜନ କରିଛି । ଏହି ଅବସରରେ ସଚେତନ ନାଗରିକ ଫୋରମ୍, ଓଡ଼ିଶା ପକ୍ଷରୁ କିଟ୍ ଓ କିସ୍ର ପ୍ରତିଷ୍ଠାତା ତଥା ସାଂସଦ ଡ. ଅଚୁ୍ୟତ ସାମନ୍ତଙ୍କୁ ସମ୍ବର୍ଦ୍ଧନା ଜ୍ଞାପନ କରାଯାଇଛି । ଫୋରମ୍ ର ସଭାପତି ପ୍ରଦୋଷ ପଟ୍ଟନାୟକ ଓ ସମ୍ପାଦକ ଦିଲୀପ ହାଲିଙ୍କ ନେତୃତ୍ୱରେ ଏକ ପ୍ରତିନିଧି ଦଳ ଡ. ସାମନ୍ତଙ୍କୁ ପୁଷ୍ପଗୁଚ୍ଛ ଓ ଉପାୟନ ପ୍ରଦାନ କରି ସମ୍ବର୍ଦ୍ଧିତ କରିଥିଲେ । ଏହି ଦଳରେ ଯୁବନେତା ତନ୍ମୟ ସ୍ୱାଇଁ, ବିଜୟ ସ୍ୱାଇଁ ଓ ମୀନକେତନ ପ୍ରମୁଖ ଯାଇଥିଲେ ।