କିଶନନଗର ଠାରେ କଟକ ସଦର ଵିଜେଡି ପକ୍ଷରୁ ବିଜୁ ଜୟନ୍ତୀ ପାଳନ

କଟକ ସଦର , ୦୫/୦୩/୨୦୨୪ (ଓଡ଼ିଶା ସମାଚାର /ବିଷ୍ଣୁ ବେହେରା): ପ୍ରବାଦ ପୁରୁଷ, ଭୂମିପୁତ୍ର, କଳିଙ୍ଗଵୀର, ମହାନ ଜନନାୟକ ସ୍ୱର୍ଗତ ଵିଜୁ ପଟ୍ଟନାୟକଙ୍କ ୧୦୮ ତମ ଜୟନ୍ତୀ ଉତ୍ସବ ଆଜି ମଙ୍ଗଳବାର ସଂଧ୍ୟାରେ କଟକ ସଦର ବିଜୁ ଜନତାଦଳ ପକ୍ଷରୁ ମହାସମାରୋହରେ ପାଳନ କରାଯାଇଛି। ଏହି ଉପଲକ୍ଷେ ସଦର ବ୍ଲକ ଵିଜେଡି ସଭାପତି ପ୍ରମୋଦ ମହାପାତ୍ରଙ୍କ ସଂଯୋଜନାରେ ହାଟ ପଡ଼ିଆ ଠାରେ ଆୟୋଜିତ ଶ୍ରଦ୍ଧାଞ୍ଜଳି ସଭାରେ ଵିଧାୟକ ଚନ୍ଦ୍ର ସାରଥି ବେହେରା ଯୋଗ ଦେଇ ଝଡର ଇଗଲ ବିଜୁ ପଟ୍ଟନାୟକଙ୍କ କର୍ମମୟ ଜୀବନ ଉପରେ ଆଲୋକପାତ କରିଥିଲେ। ଏଥିରେ କଟକ ସଦର ପଞ୍ଚାୟତ ସମିତି ଅଧ୍ୟକ୍ଷା ଭାଗ୍ୟଲକ୍ଷ୍ମୀ ରାଉତ ଓ ସ୍ଥାନୀୟ ଜିଲ୍ଲା ପରିଷଦ ସଭ୍ୟା ତଥା କଟକ ଜିଲ୍ଲା ପରିଷଦ ଉପାଧ୍ୟକ୍ଷା ସୁଭଦ୍ରା ଦାସ ବିଜୁ ବାବୁଙ୍କ ଉପରେ ବକ୍ତବ୍ୟ ପ୍ରଦାନ କରିଥିଲେ। ଅନ୍ୟମାନଙ୍କ ମଧ୍ୟରେ ଵିଧାୟକଙ୍କ ପ୍ରତିନିଧି ବିଭୁତି ଭୁଷଣ ପରିଡ଼ା, କଟକ ଜିଲ୍ଲା ବିଜେଡ଼ି ଉପସଭାପତି ସମର ବେହେରା, ଅଚ୍ୟୁତାନନ୍ଦ ଦାସ, ସଦର ବ୍ଲକ ଆତ୍ମା ସଭାପତି ରଜନୀ କାନ୍ତ ସାହୁ, ମିଶନ ଶକ୍ତି ସଂଯୋଜକ ଶରତ ରାୟ, ସଦର ଯୁବ ଵିଜେଡି ସଭାପତି ହିମାଂଶୁ ଦାସ, ବ୍ଲକ ଯୁବ ଵିଜେଡି ସଭାପତି ନିରଂଜନ ବେହେରାଙ୍କ ସମେତ ଜିଲ୍ଲା ପରିଷଦ ସଭ୍ୟ ସଭ୍ୟ/ସଭ୍ୟା, ସରପଂଚ, ସମିତି ସଭ୍ୟ/ସଭ୍ୟା ପ୍ରମୁଖ ଯୋଗ ଦେଇଥିଲେ। କାର୍ଯ୍ୟକ୍ରମ ପରିଚାଳନାରେ ଯୁବ ଵିଜେଡି ରାଜ୍ୟ ସଂପାଦକ ତଥା କଟକ ସଦର ବ୍ଲକ ଯୁବ ଵିଜେଡି ସଭାପତି ଇଂ ସତ୍ୟସିଦ୍ଧାନ୍ତ ଦାଶ, ପଞ୍ଚାୟତ ଵିଜେଡି ସଭାପତି ଭବାନୀ ଶଙ୍କର ରାୟ, କାର୍ଯ୍ୟକାରୀ ସଭାପତି ଗଗନ ମହାପାତ୍ର,ଇଲାଵତୀ ବିଶୋଇ, ନିଶ୍ଚିନ୍ତକୋଇଲି ବ୍ଲକ ଵିଜେଡି ଉପସଭାପତି ତଥା ମାଣପୁର ପଞ୍ଚାୟତ ସଭାପତି ରୁସ୍ତମ ମହମ୍ମଦ, ରମେଶ ସାହୁ, ପ୍ରକାଶ ମହାପାତ୍ର,ଵିଜୟ ମଲ୍ଲିକ ପ୍ରମୁଖ ସହାୟତା କରିଥିଲେ। ଏହି ଅବସରରେ ଉକ୍ତ ପଞ୍ଚାୟତର ଏକ କଲ୍ୟାଣ ମଣ୍ଡପ ଓ‌ ହାଟ ପିଣ୍ଡିକୁ ଵିଧାୟକ ଉଦଘାଟନ କରିଥିଲେ।