ଗହଣା ବ୍ୟବସାୟୀଙ୍କୁ ଗୁଳିମାଡ଼ କରି ସୁନା ଗହଣା ଓ ନଗଦ ଟଙ୍କା ଲୁଟିନେଲେ ଦୁର୍ବୃତ

ଢ଼େଙ୍କାନାଳ,୨୭/୦୨/୨୦୨୪ (ଓଡ଼ିଶା ସମାଚାର)- ଜଣେ ଗହଣା ବ୍ୟବସାୟୀଙ୍କୁ ଗୁଳିକରି ସୁନା ଗହଣା ଓ ନଗଦ ଟଙ୍କା ଲୁଟି ନେଇଛନ୍ତି ଦୁର୍ବୃତ ।  ମିଳିଥିବା ସୂଚନା ଅନୁସାରେ ଅନୁଗୁଳ ଖଲାରୀ ଅଂଚଳର ସୁନା ଗହଣା ବ୍ୟବସାୟୀ ପ୍ରକାଶ ଚନ୍ଦ୍ର ସାହୁ କଟକରୁ ସୁନା ଗହଣା କିଣି ଅନୁଗୁଳ ଫେରୁଥିବାବେଳେ ପୁରୁଣଶ କଟକ –  ସମ୍ବଲପୁର ରାସ୍ତାର  ଢ଼େଙ୍କାନାଳ ଜିଲା ରାସୋଳ ଥାନା ଅନ୍ତର୍ଗତ କଦଳୀପାଳ ନିକଟରେ ପଛରୁ ଏକ ବଜାଜ ପଲସର ଓ ଆପାଚି ବାଇକ ଯୋଗେ ୩ ଜଣ ଦୁର୍ବୃତ ପିଛା କରି ପ୍ରକାଶ ଙ୍କୁ ଗୁଳିମାଡ଼ କରି ତାଙ୍କ ନିକଟରେ ଥିବା ନଗଦ ୧ ଲକ୍ଷ ଟଙ୍କା ଓ କଟକରୁ କିଣିଆଣିଥିବା ୩ ଲକ୍ଷ ଟଙ୍କାର ସୁନା ଗହଣା ଲୁଟ କରି ନେଇଥିଲେ । ଦୁର୍ବୃତଙ୍କ ଗୁଳି ପ୍ରକାଶ ଙ୍କ ପଛ ଅନ୍ଟାରେ ବାଜିଛି । ଆହତ ଅବସ୍ଥାରେ ପ୍ରକାଶ ଙ୍କୁ ଢ଼େଙ୍କାନାଳ ଜିଲା ମୁଖ୍ୟ ଚିକିତ୍ସାଳୟରେ ଭର୍ତି କରାଯାଇଛି । ଖବର ପାଇ ରାସୋଳ ଥାନା ପୋଲିସ ପହଂଚି ଛାନଭିନ୍ ଚଳାଇଛି ।