ପାଟକୁରା ହାଇସ୍କୁଲକୁ ମୁଖ୍ୟମନ୍ତ୍ରୀ ଶିକ୍ଷା ପୁରସ୍କାର 

ଗରଦପୁର, ୨୬/୦୨/୨୦୨୪ (ଓଡ଼ିଶା ସମାଚାର)- କେନ୍ଦ୍ରାପଡ଼ା ସ୍ୱୟଂ ଶାସିତ ମହାବିଦ୍ୟାଳୟ ପରିସରରେ ଜିଲା ସ୍ତରୀୟ ମୁଖ୍ୟମନ୍ତ୍ରୀ ଶିକ୍ଷା ପୁରସ୍କାର ସମାରୋହ ଅନୁଷ୍ଠିତ ହୋଇ ଯାଇଛି । ଏହି ସମାରୋହରେ ବିଭିନ୍ନ ବ୍ଲକ୍ ର କୃତି ୫ଟି ବିଦ୍ୟାଳୟ ,ପ୍ରଧାନ ଶିକ୍ଷକ. ଶିକ୍ଷକ, ଛାତ୍ର ଛାତ୍ରୀ , ଆଲୁମିନି , ପରିଚାଳନା କମିଟି ଗୁଡ଼ିକୁ ସେମାନଙ୍କର ଉଲେଖନୀୟ ଅବଦାନ ପାଇଁ ମୁଖ୍ୟମନ୍ତ୍ରୀ ପୁରସ୍କାର ରେ ସମ୍ମାନୀତ କରାଯାଇଥିଲା । ଏହି ଅବସର ରେ ପାଟକୁରା ସରକାରୀ ଉଚ ବିଦ୍ୟାଳୟ ୩ ଟି ପୁରସ୍କାର ଲାଭ କରିଥିଲାା ପାଟକୁରା ବିଦ୍ୟାଳୟକୁ ବେଷ୍ଟ ୫ଟି ସ୍କୁଲ ହିସାବରେ ବିଦ୍ୟାଳୟ ସ୍ତରୀୟ ପୁରସ୍କାର ପ୍ରଦାନ କରାଯାଇଥିଲା । ବିଦ୍ୟାଳୟର ପ୍ରଧାନ  ଶିକ୍ଷକ ମଳୟ କୁମାର ପାଣି ଙ୍କୁ ତାଙ୍କର ଶିକ୍ଷା କ୍ଷେତ୍ରରେ ଉଲେଖନୀୟ ଅବଦାନ ପାଇଁ ପ୍ରଧାନ ଶିକ୍ଷକ ପୁରସ୍କାର ରେ ମଧ୍ୟ ସମ୍ମାନିତ କରାଯାଇଥିଲା । ଏଥି ସହିତ ବିଦ୍ୟାଳୟ ପରିଚାଳନା କମିଟିକୁ ମଧ୍ୟ ପରିଚାଳନା କମିଟି ପୁରସ୍କାର ପ୍ରଦାନ କରାଯାଇଥିଲା । ଶ୍ରୀଯୁକ୍ତ ପାଣିଙ୍କୁ ପ୍ରଧାନ ଶିକ୍ଷକ ପୁରସ୍କାର ରେ ସମ୍ମାନୀତ କରାଯାଇଥିବାରୁ ବିଦ୍ୟାଳୟର ସମସ୍ତ ଛାତ୍ର ଛାତ୍ରୀ , କର୍ମଚାରୀ , ଅଭିଭାବକମାନଙ୍କ ମଧ୍ୟରେ ଆନନ୍ଦ ପ୍ରକାଶ ପାଇଥିଲା । ସେଥିପାଇଁ ଶ୍ରୀଯୁକ୍ତ ପାଣିଙ୍କୁ ଅଭିନନ୍ଦନ ଜଚ୍ଚାଇଥିଲେ । ଏଥି ସହିତ ବିଦ୍ୟାଳୟର ଛାତ୍ର ଛାତ୍ରୀ ଶୁଭଶ୍ରୀ ନନ୍ଦି, ଜ୍ଞାନ ରଂଜନ ସାହୁ , ଅନିଲ ନାୟକ , ଅନିମାସ ସାହୁ , ଅର୍ଚିତା ପରିଡ଼ା , ଶକ୍ତି ସାହୁ , ମୋନାଲି ବାରିକ ପ୍ରମୁଖ ଙ୍କୁ ମଧ୍ୟ ଶିକ୍ଷା ପୁରସ୍କାର ରେ ସମ୍ମାନିତ କରାଯାଇଥିଲା ।