ମାଟ୍ରିକ୍ ପରୀକ୍ଷା ଆରମ୍ଭ, ପ୍ରଥମ ଦିନରେ ୩୨ ଜଣ ପରୀକ୍ଷାର୍ଥି ଅନୁପସ୍ଥିତ

ପାଟକୁରା,୨୦/୦୨/୨୦୨୪ (ଓଡ଼ିଶା ସମାଚାର)-ଚଳିତ ବର୍ଷ ମାଟ୍ରିକ୍ ପରୀକ୍ଷା ଆଜି ଠାରୁ ଆରମ୍ଭ ହୋଇଛି । ପାଟକୁରା ନୋଡ଼ାଲ ପରୀକ୍ଷା କେନ୍ଦ୍ର ଅଧିନରେ ଥିବା ୧୧ ଗୋଟି ପରୀକ୍ଷା କେନ୍ଦ୍ରରେ ଚଳିତ ବର୍ଷ ୨୦୪୬ ଜଣ ପରୀକ୍ଷାର୍ଥି ମାନେ ପାରୀକ୍ଷା ଦେବାର ବ୍ୟବସ୍ଥା କରାଯାଇଥିଲା । ବିଭିନ୍ନ ପରୀକ୍ଷା କେନ୍ଦ୍ରରୁ ୨୩ ଜଣ ପରୀକ୍ଷାର୍ଥି ଆଜି ପ୍ରଥମ ଦିନରେ ଅନୁପସ୍ଥିତ  ଥିବା ସମ୍ପର୍କରେ ପାଟକୁରା ନୋଡ଼ାଲ ପରୀକ୍ଷା କେନ୍ଦ୍ରର ସୁପରିଟେଣ୍ଡେଂଟ ମଳୟ କୁମାର ପାଣଇ ପାଣି ସୂଚନା ଦେଇଛନ୍ତି । ମିଳିଥିବା ସୂଚନା ମୁତାବକ କୋରୁଆ ସରକାରୀ ହାଇସ୍କୁଲ ରେ ୨୧୩ ଜଣ ଙ୍କ ମଧ୍ୟରୁ ୨୧୨ ଜଣ ପରୀକ୍ଷା ଦେଇଛନ୍ତି, ଏହି ପରୀକ୍ଷା କେନ୍ଦ୍ରରେ ଜଣେ ଅନୁପସ୍ଥିତ ରହିଛନ୍ତି । ସେହିପରି କୁଦାନଗରୀ ହାଇସ୍କୁଲ ପରୀକ୍ଷା କେନ୍ଦ୍ରରେ ୧୮୬ ମଧ୍ୟରୁ ୧୮୦ ଜଣ ପରୀକ୍ଷା ଦେଇଛନ୍ତି, ୬ ଜଣ ଅନୁପସ୍ଥିତ ରହିଛନ୍ତି । ରାଧାରମଣ ହାଇସ୍କୁଲ ପରୀକ୍ଷା କେନ୍ଦ୍ରରେ ୧୬୮ ମଧ୍ୟରୁ ୧୬୬ ପରୀକ୍ଷା ଦେଇଥିବାବେଳେ ୨ ଜଣ ଅନୁପସ୍ଥିତ ରହିଛନ୍ତି । ପାଖଡ଼ ହାଇସ୍କୁଲ କେନ୍ଦ୍ରରେ ୧୭୨ ମଧ୍ୟରୁ ୧୬୯ ପରୀକ୍ଷା ଦେଇଥିବାବେଳେ ୩ ଜଣ ଅନୁପସ୍ଥିତ ରହିଛନ୍ତି । ପେଣ୍ଠସ୍ଥିତ ଜନଶକ୍ତି ହାଇସ୍କୁଲ ପରୀକ୍ଷା କେନ୍ଦ୍ରରେ ୨୧୪ ରୁ ୨୧୧ ପରୀକ୍ଷା ଦେଇଥିବାବେଳେ ୩ ଜଣ ଅନୁପସ୍ଥିତ ଥିଲେ । ଅନ୍ତେଇ ହାଇସ୍କୁଲ ପରୀକ୍ଷା କେନ୍ଦ୍ରରେ ୧୮୬ ରୁ ୧୭୯ ପରୀକ୍ଷା ଦେଇଥିବାବେଳେ ୭ଜଣ ଅନୁପସ୍ଥିତ,କରିଲୋପାଟଣା ହାଇସ୍କୁଲ କେନ୍ଦ୍ରରେ ୧୫୩ ଜଣ ଙ୍କ ମଧ୍ୟରୁ ୧୫୨ ଜଣ ପରୀକ୍ଷା ଦେଇଥିବାବେଳେ ଜଣେ ଅନୁପସ୍ଥିତ ରହିଛନ୍ତି । ସେହିପରି ସଂସ୍କୃତ ମଧ୍ୟମା ପରୀକ୍ଷା ଚାଲିଥିବା ପାଟକୁରା , କୋରୁଆ ଓ ତଳକୁସୁମା କେନ୍ଦ୍ରରେ ୯ ଜଣ ଅନୁପସ୍ଥିତ ଥିବା ଶ୍ରୀ ପାଣି ସୂଚନା ଦେଇଛନ୍ତି ।