ନାବାଳିକା ଅପହରଣ ଅଭିଯୋଗରେ ଜଣେ ଗିରଫ

ନିରାକାରପୁର, ୧୬/୦୨/୨୦୨୪ (ଓଡ଼ିଶା ସମାଚାର)-ଖୋର୍ଦ୍ଧା ଜିଲ୍ଲା ନିରାକାରପୁର ଥାନା ଅଞ୍ଚଳରୁ ଜଣେ ନାବାଳିକାକୁ ଜଣେ ଯୁବକ ମାସେ ତଳେ ନେଇ ପଳାଇଥିବାବେଲେ ଆଜି ନିରାକାରପୁର ପୋଲିସ ନାବାଳିକାକୁ ଉଦ୍ଧାର କରିବା ସହିତ ଯୁବକକୁ ଗିରଫ କରି କୋର୍ଟ ଚାଲାଣ କରିଛି। ସୂଚନାଯୋଗ୍ୟ କି ମାସେ ତଳେ ଉଭୟଙ୍କ ମଧ୍ୟରେ ମୋବାଇଲ ଯୋଗାଯୋଗରେ ପ୍ରେମ ସମ୍ପର୍କ ଗଢ଼ି ଉଠି ଥିଲା। ପରେ କେଉଁଝର ଟଙ୍ଗରପଡା ଗ୍ରାମର ଅଭିନାଶ ସେଠୀ ନିରାକାରପୁର ଅଞ୍ଚଳକୁ ଆସି ଉକ୍ତ ନାବାଳିକାକୁ ନେଇ ପକାଇଥିଲା। ନିରାକାରପୁର ପୋଲିସ ଅଭିଯୋଗ ପାଇ ଅନୁସନ୍ଧାନ କରି ଗତ କାଲି କେଉଁଝର ରୁ ଝିଅ କୁ ଉଦ୍ଧାର କରିବା ସହ ଆଜି ଅଭିନାଶ କୁ କୋର୍ଟ ଚାଲାଣ କରିଛି।