ଭୁବନେଶ୍ୱର,୧୫/୧୦/୨୦୨୬(ଓଡ଼ିଶା ସମାଚାର/ଦୀପ୍ତିରଂଜନ କାନୁନଗୋ)- ବଜ୍ରପାତ ପୂର୍ବରୁ ମିଳିବ ଆଗୁଆ ସୃୂଚନା । ବଜ୍ରପାତର କିଛି ମିନିଟ୍ ପୂର୍ବରୁ ସତର୍କ କରାଇବ ରାଡାର । ସାଧାରଣତଃ ରାଜ୍ୟରେ ଜୁଲାଇ, ଅଗଷ୍ଟ ଓ ସେପ୍ଟେମ୍ବର ମାସରେ ଅଧିକ ବଜ୍ରପାତ ହୋଇଥାଏ । ଚାଷୀ ଓ କୃଷି ଶ୍ରମିକମାନେ ଅଧିକ ପ୍ରଭାବିତ ହୋଇଥାନ୍ତି । ତେଣୁ ସେମାନଙ୍କ ସୁରକ୍ଷାକୁ ଦୃଷ୍ଟିରେ ରଖି ରାଡାର୍ ଓ ବଜ୍ରପାତ ଚିହ୍ନଟ ବ୍ୟବସ୍ଥାର ଉନ୍ନତି କରାଯାଉଛି । ବର୍ତମାନ ଓଡ଼ିଶାରେ ତିନୋଟି ରାଡାର୍ କାର୍ଯ୍ୟ କରୁଛି । ଡିସେମ୍ବର ସୁଦ୍ଧା ଆଉ ଦୁଇଟି ରାଡାର କାର୍ଯ୍ୟ କରିବ । ଏହି ରାଡାର୍ ମାଧ୍ୟମରେ ପ୍ରାୟ୧୫୦ କିଲୋମିଟର ପରିସର ମଧ୍ୟରେ ପାଣିପାଗ ସମ୍ପର୍କିତ ତଥ୍ୟ ସଂଗ୍ରହ କରିବା ସମ୍ଭବ ହେଉଛି । ଏଥିରେ ସାଇରନ୍ ବ୍ୟବସ୍ଥା ରହିଛି ।
ପ୍ରାୟ ୩ କିଲୋମିଟର ପରିଧି ମଧ୍ୟରେ ସାଇରନ୍ ର ଶବ୍ଦ ଶୁଣିହେବ । ଫଳରେ ଲୋକମାନେ ସତର୍କ ହୋଇ ନିଜ ସୁରକ୍ଷା ପାଇଁ ଆବଶ୍ୟକ ପଦକ୍ଷେପ ନେଇପାରିବେ । ଏଥିସହିତ ଭାରତୀୟ ଟ୍ରପିକାଲ୍ ମେଟିଓରୋଲୋଜି ପ୍ରତିଷ୍ଠାନ, ଭାରତୀୟ ପାଣିପାଗ ବିଭାଗ ଓ ଅନ୍ୟାନ୍ୟ ସଂସ୍ଥାର ତଥ୍ୟକୁ ସମନ୍ୱିତ କରି ନିର୍ଦ୍ଧିଷ୍ଟ ଅଂଚଳରେ ବଜ୍ରପାତକୁ ଚିହ୍ନଟ ଓ ଅନୁଧ୍ୟାନ କରିବା ପାଇଁ ଏକ ବଜ୍ରପାତ ନିରୀକ୍ଷଣ ନେଟୱର୍କ ବିକଶିତ କରାଯାଉଛି । ସାଇରନ୍ ବ୍ୟବସ୍ଥା ମଧ୍ୟ ପ୍ରାୟ ୩ କିଲୋମିଟର ପରିଧି ମଧ୍ୟରେ ସାଇରନ୍ ର ଶବ୍ଦ ଶୁଣିହେବ । ଏହା ଶୁଣି ଲୋକମାନେ ସତର୍କ ହୋଇ ନିଜ ସୁରକ୍ଷା ପାଇଁ ଆବଶ୍ୟକ ପଦକ୍ଷେପ ନେଇପାରିବେ । ଚାଷୀମାନଙ୍କ ବଜ୍ରପାତ ସମସ୍ୟାକୁ ବୁଝିବା ଆବଶ୍ୟକ ।
